Vizita Betel
Ami hakarak konvida Ita atu vizita ami-nia sukursál sira, neʼebé baibain ami bolu nuʼudar Betel. Ami-nia eskritóriu balu mós iha feira Bíblia neʼebé Ita rasik bele haree no la presiza ema atu akompaña.
Simu fali bainaka atu vizita Betel: Iha 1 Juñu 2023, ami-nia sukursál iha rai barak komesa simu bainaka sira atu mai vizita ami-nia fatin. Atu hetan informasaun liután, kontaktu sukursál neʼebé Ita hakarak vizita. Favór keta mai vizita se Ita test pozitivu ba COVID-19, iha sintoma gripe, ka kontaktu besik ho ema neʼebé kona ona COVID-19 iha loron balu nia laran.
Estadus Unidus Amérika
Iha informasaun neʼe
Informasaun atu vizita ami
Ezibisaun
Ezibisaun iha Warwick—vizita neʼebé la presiza ema akompaña
Bíblia no Maromak nia naran. Ezibisaun neʼe fó sai Bíblia antigu sira no oinsá Bíblia sira-neʼe temi nafatin Maromak nia naran maski ema koko halakon naran neʼe. Ezibisaun neʼe mós inklui foto sira neʼebé hatudu Bíblia sira neʼebé antigu no sasán sira neʼebé liga ho Bíblia.
Povu ida ba Jeová nia naran. Ita bele haree istória kona-ba Testemuña ba Jeová. Iha sasán, dezeñu, foto no ema nia esperiénsia kona-ba oinsá sira rasik haree Jeová dirije, hanorin no organiza ninia ema atu halo ninia hakarak.
Sede-Jerál—Fiar liuhusi hahalok. Ezibisaun neʼe esplika kona-ba serbisu neʼebé komisaun husi Grupu Administradór halaʼo no oinsá sira ajuda Testemuña ba Jeová atu moris tuir Bíblia nia mandamentu atu halibur hamutuk, atu halo dixípulu, atu simu ai-han espirituál, no atu hatudu domin ba malu.
Ezibisaun iha Patterson—vizita neʼebé la presiza ema akompaña
Knua iha Jesus nia tempu. Ema halaʼo moris oinsá iha Jesus nia tempu? Iha knua neʼe, Ita bele haree no hola parte iha atividade loroloron nian iha Jesus nia tempu. Ezibisaun neʼe bele ajuda Ita atu lee Bíblia ho kontente.
Osan-besi iha Jesus nia tempu. Ita bele haree osan-besi antigu oioin neʼebé temi iha Eskritura Lian Gregu. Ita mós bele hetan esplikasaun kona-ba osan-besi ida-idak no oinsá neʼe liga ho akontesimentu neʼebé temi iha Bíblia laran.
“Jeová sei hanorin ó-nia oan sira hotu.” Ita bele hatene istória kona-ba ita-nia organizasaun nia eskola no treinamentu oioin. Buka-hatene oinsá mak eskola sira-neʼe ajuda irmaun-irmán sira atu serbí ho diʼak liután nuʼudar mestre no katuas kongregasaun.
“Defende liafuan diʼak tuir lei.” Ita bele haree istória kona-ba Testemuña ba Jeová sira neʼebé laran-metin maski hasoru terus makaʼas. Haree buat neʼebé ita-nia organizasaun halo ona hodi defende ita-nia direitu atu halaʼo serbisu haklaken iha mundu tomak.