Misy Hevetse Afake Mampahery Ahy vao ty amy Baiboly Ao?
Ty vale’e Ara-baiboly
Eka. (Romanina 15:4) Misy andinin-teny retoagne fa nagnampe ndaty maro niatreke raha sarotse sady nagnamelo-tegna.
Amy ty lahatsoratse toy
Olagne
Salamo 23:4: “Ndra tie mitsake vavasaka maiem-bey aza raho, le tsy mba misy raha hatahorako, satria agnilako eo rehe.”
Ty dika’e: Naho fa mivavake amy i Jehovah rehe sady mipay tari-dalagne amy ty Saontsi’e ao, ndra amy Baiboly ao, le hanagne herim-po hiatrehagne o raha sarotseo.
Filipianina 4:13: “Managne hery hiatrehagne ze raha miseho raho, fa misy magnomey hery ahy.”
Ty dika’e: Afake magnomey azo hery hiatrehagne ze kila raha sarotse ty Andrianagnahare.
Ndaty tena tea’o nimate
Mpitoriteny 9:10: “Tsy misy afake miasa, ndra magniry hanao raha, ndra mahazo fahalalagne, ndra maneho fahendreagne ty An-kibory agne.”
Ty dika’e: Tsy mijale ndra afake mampijale antikagne o ndaty nimateo. Tsy misy raha rendre’e iareo.
Asan’ny Apostoly 24:15: ‘Hisy ty famelomagne ty mate.’
Ty dika’e: Afake mamelogne indraike i ndaty teantikagne nimate rey ty Andrianagnahare.
Magnamelo-tegna
Salamo 86:5: “O Jehovah, a soa toetse naho vognogne hamela heloke rehe! Bey hatea sady tsy mivalike amy ze mitoka azo rehe.”
Ty dika’e: Mamela ze ndaty tena nanegnegne amy ty hadisoagne natao’e taloha sady tapa-kevetse ty tsy hagneregne irey sasa ty Andrianagnahare.
Salamo 103:12: “Manahake ty halavy ty atignanagne amy ty ahandrefagne ty halavy ty anitaha i Jehovah amantikagne ty hakeontikagne.”
Ty dika’e: Asinta i Jehovah lavitse antikagne ty fahotantikagne naho fa mamela antikagne reke. Tsy tiahive’e sasa rey mba hagnamelohagne naho handilovagne antikagne naho fa afara agne.
Malahelo
Salamo 31:7: “Vazoho’o ty fijaleako. Fanta’o ty fijaleagne mafe manjò ahy.”
Ty dika’e: Fohy i Jehovah soa ze kila raha mampijale azo. Tsapa’e ty raha manjò azo ndra tie va’e tsy hahatsapa izay aza ty hafa.
Salamo 34:18: “Marine ze torotoro fo ty Jehovah, sady magnavotse ze mamoe fo.”
Ty dika’e: Mampitamà ty Andrianagnahare fa hanohagne azo reke naho fa irehe malahelo. Afake magnomey azo hery hiatreha’o ty raha mampalahelo azo reke.
Marare
Salamo 41:3: “I Jehovah ro hanohagne aze amy ireke marare ambone fandrea’e eoy.”
Ty dika’e: Naho marare mafe rehe, le hagnampe azo ty Andrianagnahare satria hagnomey azo fiadanan-tsaigne, hery sady hagnampe azo hiaretse vaho hagnomey azo fahendreagne mba hahafaha’o hahay hanapa-kevetse.
Isaia 33:24: “Tsy hisy sasa ty ndaty hanao tihoe tie: ‘Marare raho.’”
Ty dika’e: Mampitamà ty Andrianagnahare fa ho salama soa iaby o ndatio indraike andro agne.
Minekoneko
Salamo 94:19: “Naho fa nimaro ty raha nampinekoneko ahy, le nampionogne naho nampitony ahy rehe.”
Ty dika’e: Hagnampe antikagne ho tony avao ty Andrianagnahare naho mitolike ama’e agne tikagne naho fa minekoneko.
1 Petera 5:7: “Ankigno ama’e ze raha mampinekoneko anareo, satria mikarakara anareo reke.”
Ty dika’e: Midare antikagne ty Andrianagnahare. Mandrisike antikagne mba hirehake ama’e amy ty alala ty vavake ty olagne atrehentikagne reke.
Aly
Salamo 46:9: “Mampitsahatse aly amy ze kila tane reke.”
Ty dika’e: Tsy ho ela i Fanjakàn’Andrianagnaharey le hamoagne o alio iaby.
Salamo 37:11, 29: “Ze ndaty mpandefetse avao ro handova ty tane toy, le tena ho fale satria tena hiadagne ... Ze ndaty maregne ro handova ty tane toy, sady hitoboke etoy nainai’e.”
Ty dika’e: Hiadagne nainai’e ambone tane etoy ze ndaty manao ty soa.
Minekoneko miomba ty hoavy
Jeremia 29:11: “‘Haiko soa ty raha fa vinetsevetseko hanoegne ama’areo’, hoe ty Jehovah. ‘Ty hagnomey anareo fiadanagne ty vetsevetseko fa tsy loza, mba hahavy anareo hanagne hoavy soa naho raha tamaegne.e.’”
Ty dika’e: Mampitamà ty vahoa’e ty Andrianagnahare fa fanjaka ty raha mandigne iareo amy ty hoavy.
Apokalypsy 21:4: “Le hofafa’e ze ranomaso amy ty maso iareo, fa tsy hisy sasa ty fate, ty alahelo ndra ty toreo ndra ty fanaintaignagne, fa tsy eo iaby ty raha taloha.”
Ty dika’e: Mampitamà ty Andrianagnahare fa hafaha’e iaby ze kila raha raty amy izao.
a I Jehovah ty tahinan’Andrianagnahare. (Salamo 83:18) Henteo ty lahatsoratse tihoe “Ia o Jehovah Zao?”
Va'e ho Tea'o Ka
FOTO-KEVETSE SAMBE KARAZA’E
Fampaherezagne Hoahy ze Nimate Longo
Naho fa mate ty ndaty teantika, le va’e hieretseretse tika tie tsy misy ndaty mahatakatse ty alahelontikagne. Faie tena mahatakatse soa izay ty Andrianagnahare, sady afake magnampe antika.
ESSENTIAL BIBLE TEACHINGS
Nagnino o Fijaleagneo Engàn’Andrianagnahare Hisio?
Magnontane ty ndaty maro tie nagnino ty tane toy feno fankalaignagne naho fijaleagneo. Mahafa-po naho mampionogne antikagne ty vale’e mey ty Baiboly miomba izay.
FAMPIANARA TY BAIBOLY
Andramo ty fampianara’ay Baiboly
Afake mianatse Baiboly maimaim-poagne miarake amy ty ndaty hagnampe azo hianatse aze rehe.