Eké ty fikambanagne ara-pivavaha ty Vavolombelo i Jehovah magneran-tane (“fikambanagne ara-pivavahagne”) fa zo ty ndaty raike ty hanagne ty fiaigna’e manokagne naho tie tsy toko’e haparitake ty fagnazavagne mei’e miomba ty tegna’e. Magneke o fikambanagne ara-pivavahagne io fa mila atao mivantagne naho fa mifampirehake miomba izay. Ilae’e ka ty mamory ty mombamomba ty ndaty raike, agnisa izay ty tsiambaratelo ila’e. Manao izay reke mba hagnomeagne ze raha paliae ty Vavolombelo i Jehovah naho hanoagne asa soa naho asa ara-pivavahagne. Faie magneke ka reke fa ilaegne ty mitagne tsiambaratelo naho miaro ty fagnazavagne niazo’o. (Ohabolana 15:22; 25:9) Tena lahibey amo o fikambanagne ara-pivavahagne iohoe ty mitagne tsiambaratelo.—Ohabolana 20:19.

Firenena maro ro nampiboake lalàna miomba ty fiarovagne fagnazavagne mba hagnajagne ty zo o ndaty hanagne ty fiaigna’e manokagne. Faie mbe tsy nisy i lalàna rey le fa nagnaja ty zo o ndaty hanagne ty fiaigna’e manokagne sady fa nitagne tsiambaratelo o fikambanagne ara-pivavahagne iohoe, agnisa izay ty birò ty sampa’e. Tsy hanjara ty fagnazavagne voarae’e o fikambanagne iohoe satria mbe lia’e naho nanao izay.

Fiarovagne fagnazavagne. Magnorike ty toro lalagne retoa o fikambanagne iohoe naho fa mahazo fagnazavagne miomba ty ndaty raike:

1. Ho karakarae’e amy ty fomba mete naho mifagnarake amy ty lalàna i fagnazavagne rey.

2. Naho fa voarae o fikambanagne iohoe ty mombamomba ty ndaty raike, le asa soa naho asa ara-pivavahagne avao ty ampiasae’e aze.

3. Ze fagnazavagne fara’e naho maregne soa miomba ty ndaty raike ro hahaja’e. Le avy le ahitsi’e ze fagnazavagne fanta’e tie diso.

4. Ahaja o fikambanagne ara-pivavahagne iohoe ze fagnazavagne miomba ty ndaty raike amparake ty hahavita’e ty fampiasagne aze.

5. Magnaja ty zo i ndaty magnomey ty mombamomba azey o fikambanagne iohoe.

6. Misy fepetse atao iareo mba hiarovagne ty mombamomba i ndatỳ, amy izay tsy hisy ndaty tsy nahazo alalagne ndra tsy magnaja lalàna hanjara ty fagnazavagne miomba i ndatỳ. Misy kode ty ordinatera hagnajagne ty fagnazavagne miomba ty ndaty tsikiraidraike, le ze ndaty nahazo alalagne avao ty afake mampiasa i ordinatera rey. Mihily amy ty lakilé ka ty birò misy o ordinatera reo naho fa amy i lera firavàgne rey, le ze ndaty nahazo alalagne avao ty afake mizilike mbeo.

7. Tsy hafindra amy ty sampagne hafa ty mombamomba ty ndaty raike naho tsy tihoe mila manao izay o fikambanagne ara-pivavahagne iohoe mba hanoagne asa soa ndra asa ara-pivavahagne. Magneke izay ty Vavolombelo i Jehovah iaby naho fa nanjare Vavolombelo i Jehovah.

Mifagnarake soa amy ty raha rehafe ty boke Voalamina mba Hanao ny Sitrapon’i Jehovah, omeigne ty mpitory Vavolombelo i Jehovah o toro lalagne miomba ty fiarovagne rehoe. Henteo ty boke Voalamina mba Hanao ny Sitrapon’i Jehovah naho mipay fagnazavagne fagnampe’e rehe.

Managne zo hiaro naho hagnitsy vaho hagnafoagne ty fagnazavagne miomba ty tegna’e, agnisa izay ty tsiambaratelo ila’e ty ndaty tsikiraidraike. Afake manao izay rehe, arake ty voarehake amy ty Fifagnekeagne Miomba ty Fampiasagne ty Mombamomba Azo, ambane tihoe Ty Zo’o. Magnorike lognandro ty raha voarehake ao ty Vavolombelo i Jehovah.

Ty Fagnekea ty Vavolombelo i Jehovah fa Tsy Hampiboake ty Fagnazavagne Mei’o toy ro orihe ty Vavolombelo i Jehovah magneran-tane naho fa mikarakara ty fagnazavagne voarae’e miomba ty ndaty raike.