Naho fa manjare mpitory ty ndaty raike, le hai’e tie afake mampiasa ara-dalàna ty mombamomba aze amy ty raha ilae i fivavahagney ty fikambanagne ara-pivavaha ty Vavolombelo i Jehovah magneran-tane (Vavolombelo i Jehovah), agnisa izay ty fiangona ty Vavolombelo i Jehovah a Kolombia etoa, ty fiangona ty Vavolombelo amy ty misy aze eo, ty birò ty sampagne amy ty misy aze eo, naho ze miara-miasa amy ty fikambana ty Vavolombelo i Jehovah. Vognogne hagnomey ty mombamomba aze amy ty fiangonagne misy aze eo o mpitorio arake ty rehafegne amy ty boke Voalamina mba Hanao ny Sitrapon’i Jehovah ao. Ty anto’e, amy izay iareo afake mandrambe anjara amy ze asa mifandrambe amy ty fanompoagne amo o fiangonagneo eo naho afake mahazo fagnampeagne amy ty lafi’e ara-pagnahy.​—1 Petera 5:2.

Agnisa ty tafilitse amy i mombamomba i mpitory rey ty agnara’e, ty date niterahagne aze, lahilahy vao reke sa ampela, ty date nanoagne badisa aze, ty nimerò telefoni’e ndra ty adiresy e-mail ifandrambesagne ama’e, ty mombamomba ty ara-pagnahi’e, ty fanompoa’e amy i faritaney ey, ty andraiki’e amo o Vavolombelo i Jehovah-o ao, ndra ze fagnazavagne hafa omey i mpitorỳ mifandrambe amy ty asa atao’e amo o fiangonagneo eo. Mbe agnisa ty tafilitse amy i fagnazavagne ty mombamomba i mpitorỳ ka ty raha inoa’e naho ty fagnazavagne manokagne hafa tea’e homeagne agnisa izay ty mombamomba ty fahasalama’e naho ty fiaim-piaigna’e mifandrambe amy ty firaisagne ndra ka ty mombamomba ty ajaja naho ty tanora. Ty fampiasagne ty mombamomba i mpitory rey, le va’e hidika tie havory, halaem-peo, halamigne naho hajariegne i fagnazavagne rey. Va’e hisy raha hafa ankoatse ireo ka hitamiriagne aze.

Intoagne iaby ty Lalàna Miomba ty Fiarovagne ty mombamomba i mpitorỳ amy ty firene i Kolombia etoa:

Lalàna miomba ty fiarovagne ty fagnazavagne ty mombamomba ty ndaty raike (Lalàna Nim 1581 tamy 2012)

Arake ty Lalàna miomba ty fiarovagne ty mombamomba i mpitorỳ, le ampiasae o Vavolombelo i Jehovah-o amy ty raha ambane eto retoa ty mombamomba aze:

• hanohagnagne naho hampandrosoagne ty fivavaha o Vavolombelo i Jehovah-o

• handrambe anjara amy ze fivoriagne anoe ty Vavolombelo i Jehovah an-toeragneo naho amy ze tetik’asa ndra asa atao an-tsitrapo

• handrambe anjara an-tsitrapo amy ty fivoriagne, havoriambey faritse, ndra havoriambey vondrom-paritse nalaem-peo ndra video mba hagnomeagne hanegne ara-pagnahy hoahy ty Vavolombelo i Jehovah magneran-tane

• hagnatanterake ze andraikitse ankinegne ama’e amo o fiangonagneo eo, agnisa izay ze misoratse amy ty tabilò amy i Anjomba i Fanjakagney ivoria o Vavolombelo i Jehovah-o ao

• hagnavaozagne ty karatse Fagnajariagne ty Fanompoa o Mpitorio

• hiandraza o androanavi-pagnahy ty Vavolombelo i Jehovah-o naho hikarakara’e o agnondrio (Asan’ny Apostoly 20:28; Jakoba 5:14, 15)

• hagnajariagne ty nimerò telefony tena ahazoagne i mpitorỳ mba hiantsoagne aze naho sendra misy loza tampoke

Ty Fampiasagne ty Mombamomba Azo, le hotamiriegne naho mbe mihatse i raha amboneo reo ndra misy raha hafa mifandrambe amy i fivavahagney ka mihatse faie ara-dalàna. Naho ohatse i mpitorỳ tsy magnomey ze fagnazavagne tena ilaegne miomba aze ndra tsy magneke ty hampiasagne ty mombamomba aze, le va’e tsy heké o Vavolombelo i Jehovah-o hagnatanterake ty andraikitse ila’e amo o fiangonagneo eo reke ndra handrambe anjara amy ty asa ila’e anoe i fivavahagney.

Noho o Vavolombelo i Jehovah-o manao asa magneran-tane, le azo afindra ndra tamiriegne ivela ty firenena misy i mpitorỳ ty fampiasagne ty mombamomba aze. Va’e ho agnisa izay ty firenena ila’e managne lalàna hafa miomba ty fiarovagne ty mombamomba ty ndaty raike. Va’e tsy hitovy amy ty lalàna agne ty lalàna amy ty firenena misy ty mpitory raike, faie va’e mbe halefa agne avao ty fagnazavagne ty mombamomba aze. Naho magnomey alalagne amy ty hampiasagne ty mombamomba aze amy ty raha hafa o mpitorio, le afake magnafoagne i fampiasagne ty mombamomba aze fa fineno’e talohay. Misy fepetse rambese o Vavolombelo i Jehovah-o mba hahazoagne antoke fa voaro ze fagnazavagne ty mombamomba aze naho fa hafindra mban-tane hafa agne. Agnisa izay ty fampiasagne ty fifagnarahagne mifandrambe amy ty famindragne fagnazavagne. Le fa ze mifagnarake amy ty trea amy tihoe Fagnekea ty Vavolombelo i Jehovah fa Tsy Hampiboake ty Fagnazavagne Mei’o ao avao ro ampiasà ze agnisa ty fikambana ty Vavolombelo i Jehovah magneran-tane ty mombamomba i mpitorỳ.

Managne zo hanao ty raha retoa o mpitorio: Hagnafoagne, handietse ty ampiasà o Vavolombelo i Jehovah-o ty mombamomba aze. Naho magnomey alalagne amy ty hampiasagne ty mombamomba aze amy ty raha hafa o mpitorio, le afake magnafoagne i fampiasagne ty mombamomba aze fa fineno’e talohay. Naho mandietse ty hampiasagne ty mombamomba aze ty mpitory raike ndra mangatake ty hamafàgne ndra hamoagnagne aze, le va’e mbe hanohy hampiasa ty ila’e amy ty fagnazavagne miomba aze o Vavolombelo i Jehovah-o faie mifagnarake amy ty raha eké o lalànao miomba ty tanjo i fivavahagney ndra amy ty anto’e hafa ara-dalàna trea amy ty Lalàna Miomba ty Fiarovagne ty Mombamomba Azo ao. Hay o mpitory a Kolombia etò tie afake mitaraigne amo o manam-pahefagne mikarakara ty fiarovagne o fagnazavagneo an-toeragneo iareo.

Nanao raha isan-karaza’e mifagnarake amy ty Lalàna Miomba ty Fiarovagne ty Mombamomba Azo o Vavolombelo i Jehovah-o mba hiarovagne ty fagnazavagne ty mombamomba azo. Taka o mpitorio fa ty ila’e amy ty ndaty nahazo alalagne avao ro afake magnente ty mombamomba aze mba hagnatanterahagne i raha nitanisaegne tambone teoy, ankoatse ty rahalahy mpiandraikitse amy fiangonagne misy aze eo.

Azo alefa e-mail amy ty adiresy ambane eto toy amy ty tompon’andraikitse miaro ty fagnazavagne miomba ty ndaty raike ze fagnonteneagne mifandrambe amy izay:

DataProtectionOfficer.CO@jw.org

Taka o mpitorio fa amy tihoe Birò Mikarakara ty Fiarovagne Fagnazavagne amy jw.org ao ty ahatreavagne ty adiresy naho ty fomba azo ifandrambesagne amy i ndaty miandraikitse ty fiarovagne i fagnazavagney rey ndra ty solontegna’e amy ty tane misy iareo eo.

Naho fa hameno fangatahagne ty mpitory raike, le tsy maintsy magnomey dika mitovy amy i fangatahagney sady mila atao’e azo antoke tie fa nandalo amy i notaire-ay agne ze raha zay (ndra i ndaty mpagnamaregne sady magnomey alalagne i fagnazavagney a Kolombia agne). Agnisa izay ka ty adiresy e-mail handefasagne ty vale i fangatahagney. Naho tsy agnate i fangatahagney ao ty pitsopitson-draha ilaegne, le halefa amy i ndatỳ agne ty vale’e agnate ty dime andro fiasagne sady hokezahe’e ho vitaegne agnate ty roe volagne fara fahatara’e ty famenoagne aze. Naho tsy vita’e agnate izay ao, le mitovy amy ty tsy fineno’e avao i fangatahagney. Naho vata’e vaho feno i fangatahagney sady voamaregne, le hahazo vale’e agnate ty 10 andro fiasagne i ndatỳ naho ohatse fagnonteneagne i fangatahagney. Faie ie reke naho fitaraignagne, le agnate ty 15 andro fiasagne ty hahazoagne ty vale’e. Faie mbe afake mitatse o fe-potoagne roe reo, ndra arakarake ty lalàna an-toeragneo avao.

Va’e hiovaova mateteke ty fampiasagne i fagnazavagney noho ty fiovà ty asa ara-pivavahagne ila’e atao’ay, ndra ty fiovà ty lalàna ndra fiovaovà o teknolojiao. Naho ilaegne ty magnova i Fampiasagne ty Mombamomba Azoy, le halefa amo o peje iohoe ao avao i fagnovàgne rey mba ho fanta o mpitorio tie ino ty fagnazavagne tafara sady akore ty fampiasagne aze. Henteo mateteke ajafady ze fagnovàgne fara’e natao amo o peje iohoe ao.