Naho fa mpitory ty ndaty raike le eke’e fa afake mampiasa ty fagnazavagne miomba aze ty fikambanagne ara-pivavahagne magneran-tane o Vavolombelo i Jehovah-o, satria ilae i fikambanagney zay. Agnisa o fikambanagne iohoe ty fiangona ty Vavolombelo i Jehovah an-toeragneo, ty birò i sampagne an-toeragneo naho ty fikambanagne hafa ahy ty Vavolombelo i Jehovah. Mea i mpitorỳ i fiangonagney ty fagnazavagne miomba aze, arake ty voarehake amy ty boke Voalamina mba Hanao ny Sitrapon’i Jehovah amy izay reke afake mandrambe anjara amy ty asa ara-pivavahagne mifandrambe amy ty fanompoa’e an’Agnahare naho mahazo fagnampeagne amy ty lafi’e ara-pagnahy.—1 Petera 5:2.

Va’e homea i mpitorỳ fagnazavagne fagnampe’e miomba aze ty Vavolombelo i Jehovah naho fa manao asa ara-pivavahagne hafa reke. Agnisa izay ty agnara’e, ty date niteraha’e, lahilahy vao reke sa ampela, ty date badisa’e, ty adiresi’e naho ty nimerò telefoni’e, ty fahasalama’e ara-pagnahy, ty asa fanompoagne atao’e naho ty andraiki’e amy ty fiangona o Vavolombelo i Jehovah-o. Trea amy i fagnazavagney ao ty raha inoa i mpitorỳ sady va’e hisy fagnazavagne tsiambaratelo ty ao. Tihoe mampiasa ty fagnazavagne miomba ty ndaty raike le midika tie mangalake i fagnazavagney, magnaja aze, mandamigne aze, mitamiry aze, ndra ty manahake ireo.

Intoy ty Lalàna Miomba ty Fiarovagne Fagnazavagne amo o firenena iohoe:

Fitsipike Mifehe ty Fiarovagne Fagnazavagne (UE) 2016/679.

Arake o Lalàna Miomba ty Fiarovagne Fagnazavagne io, le magneke o mpitorio fa ampiasae ty Vavolombelo i Jehovah amy ty raha mifandrambe amy ty fivavahagne retoagne ty fagnazavagne miomba aze:

• handrambesagne anjara amy ty fivoria ty fiangona ty Vavolombelo i Jehovah an-toeragneo;

• hahafahagne mandrambe anjara amy ty fivoriagne naho ty havoriambey alaem-peo naho sare mba hampianaragne ty Vavolombelo i Jehovah magneran-tane;

• fagnatanterahagne fanendreagne ndra andraikitse amy i fiangonagney eo. Agnisa izay tihoe sorategne amy ty tabilò misy raha atalily amy ty anjomba fivoria ty Vavolombelo i Jehovah ty agnara i mpitorỳ naho ty fanendreagne niazo’e

• fitanagne ty karatse Firaketana ny Fanompoan’ny Mpitorin’ny Fiangonana

• fikarakaragne amy ty lafi’e ara-pagnahy atao ty androanavi-pagnahy ty Vavolombelo i Jehovah (Asan’ny Apostoly 20:28; Jakoba 5:14, 15);

• fagnazavagne ty mombamomba ty ndaty azo tokavegne naho fa misy loza.

Ahaja’ay ty fagnazavagne miomba ty ndaty raike agnate ty fotoagne hanoagne i aze nirehafegne ambone eo reo, ndra naho misy anto’e ara-dalàna hafa mbe toko’e hagnajagne aze. Naho misy mpitory mijobogne tsy hanao sonia i taratasy hofenoegne manao tihoe Fampahafantarana sy Fanekena ny Hampiasana ny Mombamomba Ahy, le va’e ho trea ty Vavolombelo i Jehovah tie tsy afake manao andraikitse ila’e amy fiangona ty Vavolombelo i Jehovah eo reke, ndra tsy afake mandrambe anjara amy ty asa ara-pivavahagne ila’e.

Va’e ho meagne fikambanagne hafa ahy ty Vavolombelo i Jehovah ty mombamomba ty ndaty raike naho ilaegne ty hanoagne zay sady atao arake ty toko’e ho ie. Fanta ty mpitory fa va’e ho amy ty firenena hafa i fikambanagne hafa ahy ty Vavolombelo i Jehovah zay, sady tsy voatery hitovy amy ty misy aze ty lalàna miomba ty fiarovagne fagnazavagne amy i firenena hafa zay. Fanta’e ka tie hagnaja ty Fifagnekea ty Vavolombelo i Jehovah fa Tsy Hanjara ty Fagnazavagne Niazo’e i aze mandrambe i fagnazavagne miomba azey, agnisa izay ty fikambanagne amy ty foibey ty Vavolombelo i Jehovah a Etazonia agne.

Anagna i mpitorỳ zo ty magnente ty fagnazavagne miomba aze amy ty Vavolombelo i Jehovah naho mangatake ty ampijanognagne ty fikarakaragne aze naho magnitsy ze diso ao. Mbe anagna’e zo ka ty mangatake ty hagneregnagne ty fomba fampiasagne ty fagnazavagne miomba aze. Ndra tie tsy eke i mpitorỳ sasa ty hampiasagne ty mombamomba aze, le va’e mbe ho afake hampiasa ty fagnazavagne miomba aze ty Vavolombelo i Jehovah. Managne anto’e ara-dalàna hanoagne izay o Vavolombelo i Jehovah-o satria mikarakara naho mandamigne ty fagnazavagne miomba ze agnisa ty Vavolombelo i Jehovah magneran-tane, satria magnenga iareo hanao izay ty Lalàna Miomba ty Fiarovagne Fagnazavagne. Fanta o mpitorio fa anagna’e zo ty mitaraigne amy ty manam-pahefagne amy tane misy aze eo miomba ty fiarovagne fagnazavagne.

Mandrambe fepetse sambe karaza’e ty Vavolombelo i Jehovah mba hiarovagne ty fagnazavagne niazo’e miomba i ndatỳ. Mifagnarake amy ty Lalàna Miomba ty Fiarovagne Fagnazavagne i Fepetse zay. Taka o mpitorio ka fa ndaty tsiampe naho nahazo alalagne avao ty mahatrea ty fagnazavagne mei’e mba hanoagne i raha nirehafegne teo rey.

Ty fagnonteneagne naho ty fangatahagne teagne halefa amy ty ndaty miandraikitse ty fiarovagne fagnazavagne le azo atao ty mandefa aze e-mail amy:

DataProtectionOfficer.GR@jw.org.

Taka o mpitorio fa trea amy tihoe Adiresy Miomba ty Fiarovagne Fagnazavagne, amy jw.org, ty mombamomba i mpikarakara fagnazavagne amy ty tane misy aze. Va’e ho trea ao ka ty ahy ty solontegna ty mpikarakara fagnazavagne naho ze miandraikitse ty fiarovagne fagnazavagne, hoahy ty tane ila’e.

Va’e hiova kindraike ty fomba hikarakaragne fagnazavagne naho ohatse miova ty asa ara-pivavahagne atao’ay, ndra ty lalàna misy, ndra noho ty fivoara ty teknolojia. Naho ilaegne ty magnavao izay amy ty Fampiasagne ty Mombamomba Azo toy le halefa’ay amy ty peje toy zay, amy izay ho fanta o mpitorio avao tie inogne ty fagnazavagne alae’ay miomba aze le akore ty fampiasagne aze. Henteo mateteke ty peje toy mba hahafantara’o ty fagnovàgne natao.