Alae’ay naho tamirie’ay sady ampiasae’ay ty mombamomba azo mba hamitagne ty anto’e nandefasa’o aze hatrake amy ty hivita’e. Tamirie’ay ka i fagnazavagney naho misy anto’e ara-dalàna toko’e hitamiriagne aze. Naho misy fagnazavagne ila’e angatahe’ay faie tsy omea’o, le va’e tsy ho trea’o ty raha ila’e amy i tragnom-porarotsey ao. Va’e tsy ho tafilitse amy ty programa ila’e niforogne i Watchtower Bible and Tract Society of New York, Inc. ka rehe ndra tsy afake hamale i fangataha’oy zahay.

Afake mahatrea i fagnazavagne nimea’o tamy fangatahagne nanoe’oy ty ndaty mikarakara i fangatahagney naho/ndra ty teknisiana mpikojakoja i programay naho ty mampandeha aze. Tsy omea’ay ndra ia ndra ia ty mombamomba azo, naho tsy ty anto’e retoa avao: 1) Ilaegne zay mba hamaleagne i fangataha’oy sady fa nirehafegne ama’o mialoha; 2) ndra trea’ay fa tena ilaegne ty manao izay mba hagnorihagne lalàna; 3) ndra angatahe o manam-pahefagneo; 4) ndra ka mba hamantaragne naho hialagne o mpisandokeo ndra ty olagne ara-teknike. Matoa rehe mampiasa ty tragnom-porarotse toy le magneke fa azo’ay omeagne ndaty hafa ty mombamomba azo, noho i anto’e nirehafegne taloha teo rey. Tsy havaro’ay ndra hatakalo’ay ndra hahofa’ay ty mombamomba azo ndra ino ndra ino raha miseho.

Azo ty ndaty iaby henteagne ty ankamaroa ty raha trea amy ty tragnom-porarotse toy ato. Tsy voatere hilitse amy ty konte manokagne ndra hampilitse ty mombamomba azo rehe vaho ho afake hanao izay. Ze managne konte ro mahatrea ty raha ila’e, agnisa izay ze mandefa fangatahagne ndra ze manao fagnafaragne, ndra ze nazily ty fiangona ty Vavolombelo i Jehovah amy jw.org ao ty mombamomba aze. Karakarae’ay ty fagnazavagne miomba azo satria fa neke’o zay. Ndra tie fa tsy magneke ty hikarakaragne ty miomba azo sasa aza rehe, le mbe ho karakarae’ay avao naho misy lalàna mitake ty hanoa’ay izay.

Ze fagnazavagne nampilire’o tamy ty tragnom-porarotse toy ato, le tsy hampiasaegne naho tsy i anto’e nampahafantaregne azo tamy irehe vaho nampilitse aze tatoy avao. Intoagne iaby ty tafilitse amy ze anto’e zay:

Konte. Va’e hampiasae’ay hifandrambesagne ama’o i adiresy e-mail nazili’o tato, tamy irehe nanokake kontey. Naho haligno’o ohatse ty solon’agnara’o ndra ty kodi’o sady mipay fagnampeagne rehe amy ty fizilihagne amy konte’oy ao, le handefa hafatse amy i adiresy e-mail nazili’oy zahay mba hagnampeagne azo.

Fangatahagne. Naho mahafeno fepetse mifagnarake amy ty raha inoa ty Vavolombelo i Jehovah naho ty fomba fiasa’e rehe, le afake mampiasa ty tragnom-porarotse toy mba hanokafagne konte ndra handefasagne fangatahagne. Afake ampiasae ty fiangonagne misy azo ka toy mba handefasagne i fangataha’oy. Fa voarehake amy ty fangatahagne tsikiraidraike iaby ty tanjogne ama’e, agnisa izay tihoe te hampitombo ty asa ara-pivavahagne atao’o, ndra ka te hangatake ndra hagnomey filasiagne amy ty havoriambey ndra amy ty fotoagne lahibey hafa. Va’e ho irehe ndra ty androanavi-pagnahy ama’areo eo ndra ty mpiandraikitse faritse ro hanjilike naho handefa ty fagnazavagne miomba azo amy i fangataha’oy ao. Le fa ty fikarakaragne naho ty fandinehagne ty miomba i fangataha’oy vaho ty handaminagne fomba fiasa avao ty ampiasa’ay ty fagnazavagne niazo’ay, fa tsy ampiasa’ay amy ty raha hafa. Agnisa izay tihoe hisia’ay fagnajariagne aze ty mombamomba azo mba hamitagne i fangataha’oy. Va’e halefa’ay amy ty sampagne hafa agne, ndra amy ty foibey ty Vavolombelo i Jehovah, ndra amy ty fikambanagne hafa ahy ty Vavolombelo i Jehovah amy ty firenena sambe hafa agne ty fagnazavagne amy i fangatahagne nalefa’oy ao naho ilaegne amy ty fikarakaragne aze zay. Ho hentea’ay tsikiraidraike ty fangatahagne azo’ay sady tsy voatere hitovy ty vale’e.

Fagnomezagne. Ilae’ay ty agnara’o naho ty mombamomba azo naho fa manao fagnomezagne ara-bola amy ty alala ty Internet rehe. Tragnom-porarotse mpikarakara fandoam-bola azo antoke ro iaraha’ay miasa mba hahafaha’ay mandrambe ty fagnomezagne atao’o amy ty alala ty karatse fandoam-bola. Azo atokisagne soa ty fiarovagne ampiasae i tragnom-porarotse rey naho ty fifagnekeagne atao’e miomba ty tsiambaratelo. Va’e hahazo fagnazavagne miomba ty kontem-bola’o zahay, agnisa izay ty nimero i karatse fandoam-bolay, ndra ty nimero ty konte’o, mba hahafahagne mikarakara i fagnomeza’oy. Alefa’ay amy i tragnom-porarotse fandoam-bola rey ze fagnazavagne ilae’e. Ampiasae’ay zao ty Payment Card Industry Data Security Standard (“PCI DSS”) mba hiarovagne ty fagnomezagne mei’o. Tamirie’ay agnate ty folo taogne fara fahakede’e ty fagnazavagne miomba ty famindram-bola, agnisa izay ty date nanoagne fagnomezagne, ty vola nimeigne, naho ty karaza i fagnomezagney. Manao izay zahay satria izay ty fomba fiasa orihegne amy ty fikarakaragne konte sady izay ka ty hahafaha’ay mamale ty fagnontenea’o agnate o fotoagne iohoe. Tsy hangatake fagnomezagne fagnampe’e ama’o zahay naho fa manao izay.

Hangatake Hotilihegne. Afake mandefa fangatahagne amy ty alala ty tragnom-porarotse toy ka rehe naho tea’o hisy Vavolombelo i Jehovah hitilike azo, mba hahafaha’o mahafantatse soa ty miomba o Baibolio ndra o Vavolombelo i Jehovah-o. Tsy ampiasae’ay amy ty raha hafa ty fagnazavagne miomba azo fa amy ty fikarakaragne ze raha nangatahe’o avao. Naho fa nihamafese’o tie tena halefa vata’e i fangataha’oy, le va’e halefa amy ty sampagne hafa ndra amy ty fikambanagne hafa ampiasae ty Vavolombelo i Jehovah ty mombamomba azo mba hamaleagne i fangataha’oy.

Anto’e hafa. Va’e handefa ty mombamomba azo (ty agnara’o, ty adiresi’o, ndra ty nimerò telefoni’o) rehe noho ty anto’e hafa ankoatse tihoe hanokake konte, handefa fangatahagne, ndra hanao fagnomezagne. Naho misy anto’e hafa ilàgne izay areke le tsy maintsy hampafantaregne rehe. Tsy hampiasae’ay amy ty raha tsy nirehafegne tama’o tamy rehe nagnomey ty mombamomba azoy ty fagnazavagne miomba azo.

Fa rehafegne amy peje tihoey ao Ahoana no Ampiasan’ny JW Library ny Mombamomba Anao? ty fomba ampiasagne ty mombamomba azo amy JW library ao.

Rehafegne amo peje iohoe ao ka fa ze fagnazavagne amo tragnom-porarotse jw.org ao ro alae ty programa JW library. Afake mahatrea ty adiresy IP i ndaty mampiasa azey i tragnom-porarotsey, agnate i fotoagne angala i JW library i fagnazavagney rey. Ze fagnazavagne azo o tragnom-porarotse iohoeke le natao mba hampandehanagne i programay naho hagnasoagne ty fomba fiasa’e vaho hahavy ty fampiasagne aze mba ho lava azo antoke avao. Naho faritagne soa le ampiasagne i fagnazavagne rey: Mba hahafaha i ndatỳ manokake naho mampandeha i programay, mba handaminagne soa ty fomba fiasa i programay naho hagnasoagne aze, mba hisorohagne ndra hamantaragne ty mpisandoke ndra programa misy virisy, ndra ka hamahagne ze olagne mifandrambe amy ty fiarovagne.

Miasa magneran-tane amy ty alala ty fikambanagne amy ty toeragne sambe hafa ty fikambanagne ara-pivavaha’ay toy. A Etazonia agne ty misy ty serveurs ila’e mampandeha ty tragnom-porarotse toy. Va’e hafindra’ay amy ty firenena hafa agne fa tsy amy ty misy azo eo ty fagnazavagne mei’o. Tsy voatere hitovy ty lalàna miomba ty fiarovagne fagnazavagne amy i firenena rey naho ty amy ty firenena misy azo. Misy fepetse rambesegne mba ho voaro ty mombamomba azo naho fa karakaraegne naho afindra. Matoky zahay fa hagnorike ty fepetse apetra’ay miomba ty fiarovagne fagnazavagne ty fikambanagne iaby ampiasae ty Vavolombelo i Jehovah naho ty fikambanagne manohagne ty asa’e. Matoky ka zahay fa hagnorike ty lalàna naho ty fitsipike hiarovagne ty fagnazavagne miomba ty ndaty raike iareo.

Kanao rehe mizilike amy ty tragnom-porarotse toy naho mandefa fagnazavagne amy ty endreke elektronike ama’ay atoy, le eké’o fa va’e halefa an-tane hafa agne ty mombamomba azo.

Naho fa mampiasa ty fagnazavagne miomba azo zahay, le atao’ay azo antoke tie maregne soa naho mifagnarake amy ty fagnazavagne fara’e miomba azo ty hampiasa’ay amy i anto’e nangalagne azey. Miovaova ty lalàna miomba ty fiarovagne fagnazavagne arakarake i firenenay. Arakarake ty firenena misy azo, le va’e hanagne zo hanao ty raha retoa rehe naho fa mandefa ty mombamomba azo ama’ay atoy:

• Afake magnontane miomba ty anto’e hangalagne naho hampiasagne ty fagnazavagne miomba azo, mifagnarake amy ty lalàna an-toeragneo rehe.

• Afake mangatake hagnente, hagnitsy, hamafa, ndra hagnily ty mombamomba azo rehe naho tsy ampe ndra diso i fagnazavagney.

• Afake tsy magneke rehe tie tsy ho karakaraegne ty mombamomba azo sady tsy azo’ay kitihegne sasa naho managne anto’e ara-dalàna hangatahagne izay rehe.

Naho misy lalàna miomba ty fiarovagne fagnazavagne amy ty firenena misy azo le te hagnente ndra hagnitsy ndra hamafa ty mombamomba azo rehe, le henteo amy i tihoe Birò Mikarakara ty Fiarovagne Fagnazavagne ty fomba ifandrambesagne amy ty tompon’andraikitse miomba izay.

Mila mandefa fangatahagne an-tsoratse rehe sady magnomey fagnazavagne naho porofo ampe soa mba hamantaragne soa tie ia rehe. Ho dinehe ty mpikarakara fagnazavagne afara izay tie hekegne sa tsy hekegne ty fangatahagne hagnente ndra hagnitsy ndra hamafa fagnazavagne miomba ty ndaty raike, le eretserete’e soa ty tombo’e va’e ho azo i mpanao fangatahagney naho i fikambanagney. Agnisa ty hodinehegne ka tie va’e hanakatsakagne ty raha azo i fikambanagne ara-pivavahagney atao vao zay naho hekegne. Hampahafantare’ay ka ze ndaty hafa mpiara-miasa ama’ay naho misy fagnovàgne mila atao.

Tadidio fa va’e tsy ho voafafa ty fagnazavagne miomba azo naho také ty lalàna ty hikarakara’ay aze, ndra misy lalàna hafa mahavy anay ho afake magnaja aze. Toko’e hahaja o fikambanagne ara-pivavahagne iohoe avao ohatse ty fagnazavagne miomba ty ndaty raike Vavolombelo i Jehovah. Naho fafagne ty fagnazavagne miomba aze, le ho voasakatsakagne ty raha inoa i fikambanagney naho ty fomba fiasa’e. Ty fangatahagne hamafa ty mombamomba ty ndaty raike le toko’e hatao mifagnarake amy ze také ty lalàna, ndra ze také i programa misy azey. Afake mitaraigne amy ty manam-pahefagne miomba ty fiarovagne ty fagnazavagne mei’o rehe naho tsy azoazo’o ty fomba fikarakarà’ay ty fagnazavagne nampidire’o tamy ty tragnom-porarotse toy ato.