Kristiana vao o Vavolombelo i Jehovah-o?
Eka. Kristiana zahay noho ty anto’e retoa:
Mikezake magnorike marine ty fampianara i Jesosy Kristy naho mitsikombe ty fomba fiaigna’e zahay.—1 Petera 2:21.
Mino zahay fa i Jesosy ro ahazoagne famonjeagne satria “tsy misy agnaragne hafa ambane i lagnitsey ey nimeigne o ndatio mba hahazoagne famonjeagne.”—Asan’ny Apostoly 4:12.
Atao badisa amy ty agnara i Jesosy ze ndaty manjare Vavolombelo i Jehovah.—Matio 28:18, 19.
Atao’ay amy ty agnara i Jesosy ty vavake anoe’ay.—Jaona 15:16.
Mino zahay fa i Jesosy ty Loha’e ndra nimeagne fahefàgne amy ze lahilahy iaby.—1 Korintianina 11:3.
Faie maro ty raha tsy itoviza’ay amo o fivavahagne atao tihoe Kristianao. Mino ohatse zahay fa ampianare ty Baiboly tie anan’Andrianagnahare ty Jesosy fa tsy agnisa ty Andrianagnahare telo miharo raike. (Marka 12:29) Tsy mino zahay tie tsy mete mate o fagnahio. Tsy mino ka zahay tie mampijale ndaty agnate ty afobey nainai’e ty Andrianagnahare satria tsy mampianatse izay ty Baiboly. Tsy mino zahay tie toko’e homeagne agnaram-boninahitse o mpitarike fivavahagneo mba hagnambahagne aze amy ty ndaty hafa.—Mpitoriteny 9:5; Ezekiela 18:4; Matio 23:8-10.
Va'e ho Tea'o Ka
FAGNONTENEAGNE FAPETRA O NDATIO
Mino i Jesosy vao Nareo Vavolombelo i Jehovah-o?
Dineho tie nagnino ty finoagne i Jesosy ro lahibey hoahy ty tena Kristiana.
FAGNONTENEAGNE FAPETRA O NDATIO
Nagnino Nareo Vavolombelo i Jehovah-o ro Tsy Mampiasa Lakroa?
Kristiana zahay Vavolombelo i Jehovah faie tsy mampiasa lakroa naho fa mivavake. Ino ty anto’e?
MIOMBA ANAY
Inogne ty Anto’e Ianaragne Baiboly?
Ndaty an-tapetrisa’e ty mianatse Baiboly sady mahatrea ty vale ty fagnonteneagne manahiragne aze. Te hahatrea ty vale ty fagnonteneagne manahiragne azo ka vao rehe?
MIOMBA ANAY
Hangatake Hotilihegne
Miharoa midineke miomba ty Baiboly ndra ianaro soa ty miomba ty Vavolombelo i Jehovah.