Fitilihagne Betela
Risihe’ay rehe hitilike ty birò ty sampa’ay. Betela ty itokavagne aze. Misy fampirantiagne azo henteagne ty sampagne ila’e.
Fa azo Tilihegne Indraike ty Betela: Fa azo tilihegne indraike ty birò ty sampagne amy ty tane maro agne manomboke amy 1 Jona 2023. Mba hahazoa’o fagnazavagne fagnampe’e, le agnonteneo ze birò i sampagne tea’o hotilihegne. Ajafady, ko mitilike Betela heike rehe naho voa ty COVID-19, seresere, mafana holitse, tratse ty giripa, mikohake, tratse ty tazogne ndra vaho tsiela ro nifagnosehose amy ty ndaty nivoa ty COVID-19.
Afrika Atimo
Fitilihagne Betela
Toko’e hirehake mialoha vao rehe aloha ty hiavia’o agne? Eka. Angatahe’ay o ndaty hitilike i Betelao mba hirehake mialoha aloha ty hiavia iareo agne, ndra fire ndra fire ty isa iareo, amy izay tsy maro loatse ty ndaty mitilike sady ho afa-po iaby. Mirehafa heregnandro mialoha fara fahatara’e. Naho amy i andro fete rey aza ty tea’areo hitilihagne, le toko’e hirehake aloha bey nareo.
Mbe afake mitilike avao vao rehe naho tsy nirehake mialoha? Tsy ho afake handrambe azo zahay, naho tsy nirehake mialoha rehe. Ty anto’e, voafetra avao ty isa ty ndaty afake mitilike isan’andro.
Amy fire ty toko’e hiavia’o agne amy i andro hitiliha’oy? Soa naho mba lera’e raike aloha i toro’oy ty iavia’o agne fa tsy aloha izay, amy izay tsy maro loatse ty ndaty mandehandeha amy i Betela ao.
Akore ty fomba hirehafa’o mialoha? Gineho tihoe “Hanao Fangatahagne Mialoha.”
Azo ovagne ndra foagnagne vao i fangatahagne natao’oy? Eka. Gineho tihoe “Hagnente ndra Hagnova Fangatahagne.”
Akore naho fa feno i toeragney amy i andro tea’o hitilihagney? Henteo mateteke i tragnom-porarotsey. Ty anto’e, manjare malalake i toeragney naho fa misy ndaty magnafoagne ndra magnova ty fangataha’e.
Hanao Fangatahagne Mialoha
Fampirantiagne
Fitilihagne ty Tragno i Betela: Misy video maromaro ahatreavagne ty asa atao amy Betela ao naho ty fomba anoagne ty fanompoantikagne ty ao.
Fitilihagne ty Tragno Fanoagne Pirinty Faha-2: Misy video maromaro magnazava ty maha lahibey ty fandikagne boke naho gazete amy ty firehake fampiasa ty ndaty naho ty fanoagne pirinty irey ty ao. Afake mitalake i masìna fanoagne pirintỳ boake ambone ey i ndaty mitilike rey. Misy fampirantiagne raike ka ty ao, mampiseho ty fampiasagne i tahinan’Andrianagnahare amy Baiboly aoy amy ty firehake ila’e Afrika Atimo agne.
Fitilihagne ty Tragno Fanoagne Pirinty Faha-3: Azo o mpitilikeo talakesegne boake ambone ey ze raha iaby amy i tragno fandefasagne entagney ao. Azo iareo henteagne amy i ekirày eo tie alefa mbaia i entagne fa agnate borotse ao rey. Misy video magnazava ty fagnoregnagne Anjomba i Fanjakagney naho ty fandefasagne entagne vaho ty famokaragne raki-peo naho video ka ty ao.
Fagnazavagne Fagnampe’e: Misy tobile afake minday i mpitilike rey handeha mbamy i toeragne sambehafa hotilihe iareoy. Afake minday hanegne atoandro iareo sady afake mihinagne izay amy i toeragne natao hitofatofà o mpitilikeoy.
Adiresy Naho Nimerò Telefony
1 Robert Broom Drive East
Rangeview
KRUGERSDORP
1739
SOUTH AFRICA
+27 11-761-1002
Hagnente Lalagne