Talily Soa Nisorate i Marka 16:1-8
-
Nivelomegne amy ty mate ty Jesosy (1-8)
16 Naho fa nitapetse areke i Sabatay, le nandeha nivily raha magnitse ty Maria Magdalena naho i Maria rene i Jakoba vaho i Salome mba hahoso iareo amy i fate i Jesosỳ.
2 Tamy ty maraindray bey i andro voaloha’e amy ty heregnandroy, le nandeha an-kibory agne iareo. Fa nanjirike i androy vaho izay iareo niavy an-kibory agne.
3 Nifagnontane iareo tie: “Ia ty hagnafake i vato boribory hily i kiborỳ mba hidirantikagne?”
4 Faie, ie iareo nagnente mbamy i kiborỳ mbeo, le aheo iareo tie fa tsy eo i vato hily i kiborỳ, ie amy izao tena bey.
5 Naho fa nizilike tan-kibory ao iareo, le nahatrea lahilahy raike nagnisy akanjo foty bey, nitoboke tan-kavana amy i kiborỳ ao. Le nigaga iareo.
6 Le hoe reke tamy iareo: “Ko gaga nareo! Haiko fa i Jesosy te Nazareta, i nipehegne tamy i boda-kataeỳ o paliae’areò. Faie tsy ato reke fa nivelomegne. Avia nareo hagnente i toeragne nasiagne azey.
7 Akia nareo mandehana, le rehafo’areo i mpiana’e rey, agnisa izay ty Petera tie: ‘Fa an-dalagne ho a Galelia agne reke tie amy izao satria agne ty hahatreava’areo aze, arake i fa nirehafe’e tama’areoy.’”
8 Naho fa niakatse boake an-kibory ao iareo, le nilay reketse ty taho iareo naho ty halatsà iareo. Tsy nirehake ndra inogn’ino tama o ndaty iareo satria natahotse.
