Tafara ty taogne 4026 T.K.

Nanao kitomboke i Jehovah i “meregney” fa nao tsy magneva hifehe sady tsy mahay minday reke. Hafara’e ty Jehovah nampitamà tie hisy tariratse hoavy handemodemoke i meregney ndra Satana. (Genesisy 3:1-5, 15) Faie nengà i Jehovah heike o ndatio hivey vatagne avao sady ho hofehé i Satana.

Taogne 1943 T.K.

Nisaontsy tamy i Abarahama ty Jehovah fa ie ty Razambey i ‘tariratse’ nampitamaegney.​—Genesisy 22:18.

Tafara ty taogne 1070 T.K.

Nampitamà i Davida Mpanjaka naho i Solomona ana’e ty Jehovah fa ty famosora iareo ty hiboaha i ‘tariratse’ nampitamaegney.​—2 Samoela 7:12, 16; 1 Mpanjaka 9:3-5; Isaia 9:6, 7.

Taogne 29 A.K.

Nabaribary fa i Jesosy ro i ‘tariratse’ nampitamaegney sady handova ty sezan-droandria i Davida.​—Galatianina 3:16; Lioka 1:31-33; 3:21, 22.

Taogne 33 A.K.

Le hoe nandratse tsiela i ‘tariratse’ nampitamaegney ty Satana naho fa namono i Jesosy. Faie vinelo i Jehovah indraike reke sady nionjogne an-dagnitse agne. Nirambese i Jehovah ty vily ty fiai’e voririke nimei’e. Izay ty mahavy ty tarira i Adama hahazo famotsoran-keloke naho havelogne nainai’e. ​—Genesisy 3:15; Asan’ny Apostoly 2:32-36; 1 Korintianina 15:21, 22.

Taogne 1914 A.K. varagne

Navokovoko i Jesosy an-tane etoy ty Satana sady nampijanògne’e etoy agnate ty andro tomotse.​—Apokalypsy 12:7-9, 12.

Amy ty ho avy

Hogadrae i Jesosy 1000 taogne heike ty Satana vaho izay hovonoe’e fa izay ty dika tihoe tie hodemodemohegne ty loha’e. Vaho izay ho avy eo i safiry i Jehovah miomba ty tane toy naho o ndatio. Vaho izay ka ty hahatreavagne tie mahay minday vata’e reke sady le lia’e tsy salatse sasa ty tahina’e.​—Apokalypsy 20:1-3, 10; 21:3, 4.