Nirehake ty Jesosy fa tsy maintsy atao badisa o Kristianao. (Vakio ty Matio 28:19, 20.) Faie ino ty atao tihoe badisa? Ino ty tsy maintsy atao ty ndaty raike mba hahavy aze hatao badisa?

1. Ino ty atao tihoe badisa?

Ty rehake tihoe “manao badisa”, le boake amy ty rehake grike tihoe “mandimpotse” agnate rano ao. Naho fa natao badisa ohatse ty Jesosy, le nalimpotse agnate ty Renerano i Jordana ao. Niakatse “boake agnate rano ao reke” naho fa niavy eo. (Marka 1:9, 10) Hoe izay ka fa alimpotse agnate rano ao ka ty tena Kristiana naho fa atao badisa.

2. Ino ty aseho ty ndaty raike naho fa atao badisa?

Aseho ty ndaty raike tie nanokan-tegna hoahy i Jehovah Andrianagnahare reke naho fa atao badisa. Akore ty atao ty ndaty raike naho fa manokan-tegna? Mivavake amy i Jehovah reke raike, le mirehake ama’e tie hanompo Aze nainai’e. Mampitamà reke tie i Jehovah raike avao ro ho tompoe’e sady ty fanoagne ty zoton’arofo’e ro ho lahibey amy ty fiaigna’e. Tapa-kevetse ‘handietse ty vata’e ... sady hagnorike lognandro’ ty fampianara i Jesosy naho ty modeli’e reke. (Matio 16:24) Manjare mifandrambe marine amy i Jehovah naho amy ty mpanompo’e ty ndaty raike naho fa manokan-tegna naho atao badisa.

3. Ino ty toko’e hatao ty ndaty raike aloha ty hanoagne aze badisa?

Aloha ty hanoagne badisa ty ndaty raike, le mila mianatse ty miomba i Jehovah sady mampitombo ty finoa’e aze heike reke. (Vakio ty Hebreo 11:6.) Naho fa mihamitombo ty fahafantara’e naho ty finoa’e i Jehovah, le hitombo ka ty hatea’e aze. Azo antoke fa hagniry hagnambara amy ty hafa ty miomba aze reke sady hiaigne mifagnarake amy ty fitsipi’e. (2 Timoty 4:2; 1 Jaona 5:3) Naho fa managne fomba fiaignagne ‘mahafale i Jehovah sady tea’e’ ty ndaty raike, le va’e hanapa-kevetse hanokagne ty fiaigna’e ho an’Andrianagnahare sady hatao badisa.​—Kolosianina 1:9, 10. a

 ANDAO HANDINEKE TY PITSOPITSO’E

4. Ino ty ianarantikagne boake amy i badisa i Jesosỳ

Vakio ty Matio 3:13-17. Rehafegne ao ty pitsopitso’e miomba ty nanoagne badisa i Jesosy. Iharò midineke ty fagnonteneagne retoa naho fa avy eo:

• Mbe nianak’ajaja vao ty Jesosy tamy i reke natao badisay?

• Akore ty fomba nanoagne badisa aze? Nilignan-drano avao vao reke?

Nanomboke i asa lahibey nampanoe i Jehovah azey ty Jesosy naho fa nivita badisa. Vakio ty Lioka 3:21-23 naho ty Jaona 6:38, sady iharò midineke ty fagnonteneagne toy:

• Naho fa nivita badisa ty Jesosy, ino ty asa natao’e voaloha’e tamy ty fiaigna’e?

5. Tanjogne azo tratraregne ty badisa

Va’e hatahotse hanokan-tegna naho hatao badisa ty ndaty raike. Faie misy raha azo’o atao mba tsy hisalasala handrambe o fanapahan-kevetse iohoe rehe. Ino ty natao ty ndaty ila’e? Alefaso i VIDEO oy.

Vakio ty Jaona 17:3 naho ty Jakoba 1:5, sady iharò midineke ty fagnonteneagne toy naho fa avy eo:

• Ino ty hagnampe ty ndaty raike ho vognogne hatao badisa?

1. Manokan-tegna hoahy i Jehovah tikagne naho fa mirehake ama’e amy ty alala ty vavake tie hanompo aze nainai’e

2. Naho fa atao badisa tika, le magnambara amy ty ndaty hafa fa nanokan-tegna ho an’Andrianagnahare

 6. Manjare agnisa ty keleia i Jehovah ty ndaty raike naho fa vita badisa

Manjare agnisa ty keleian-draike magneran-tane tikagne naho fa vita badisa. Ndra inogn’ino ty fiaviantika, ty tane misy antikagne, ty fokontikagne, le mitovy avao ty raha inoantikagne naho ty fitsipike orihentikagne. Vakio ty Salamo 25:14 naho ty 1 Petera 2:17, sady iharò midineke ty fagnonteneagne toy naho fa avy eo:

• Manjare manao akore ty fifandrambesa ty ndaty raike amy i Jehovah naho amy ty mpanompo’e naho fa vita badisa reke?

 FAMINTIGNAGNE

Nirehake ty Jesosy fa tsy maintsy atao badisa o Kristianao. Naho te hatao badisa ty ndaty raike, le toko’e hino mafe i Jehovah reke, hagnorike ty fitsipi’e, sady hanokan-tegna ho aze.

Fameregnagne

• Ino ty atao tihoe badisa, le nagnino io ro raha lahibey?

• Mampiseho ino ty ndaty raike naho fa atao badisa?

• Ino hey ty toko’e hatao ty ndaty raike vaho izay reke manokan-tegna naho atao badisa?