LESOGNE 49
Tea’o ho Sambatse vao ty Keleia’o?—Fizaràgne 1
Mitamà ty ndaty roe vaho nifanambaly fa ho sambatse avao manahake i tamy i mariaze iareoy ty fanambalia iareo. Azo atao soa zay. Mahatsapa hoe izay ka ty Kristiana fa nimpivaly tagnate ty taogne maro sady nikezake mafe nampihatse ty toro lala ty Baiboly.
1. Ino ty toroheve ty Baiboly hoahy ty lahilahy manambaly?
Tinendre i Jehovah ho loha ty keleiagne o lahilahy manambalio. (Vakio ty Efesianina 5:23.) Tea i Jehovah mba handrambe fanapahan-kevetse hahasoa i keleia’ey iareo. Manoro hevetse o lahilahy manambalio ty Baiboly tie: ‘Teavo’areo lognandro ty vali’areo.’ (Efesianina 5:25) Ino ty dika izay? Toko’e ho soa fagnahy amy ty vali’e iareo ndra an-tragno ao zay ndra amy ty ndaty maro ey. Arova’e ty vali’e sady karakarae’e soa, le atao’e ty hahafalefale aze. (1 Timoty 5:8) Faie ty tena lahibey le tihoe, ampea’e ty vali’e mba hifandrambe soa amy i Jehovah. (Matio 4:4) Manao izay ohatse reke naho miarake mivavake iareo sady miarake mamaky Baiboly. Ho nama i Jehovah lognandro ty lahilahy manambaly naho bey hatea sady mikarakara soa i vali’e.—Vakio ty 1 Petera 3:7.
2. Ino ty toroheve ty Baiboly hoahy ty ampela manambaly?
Mirehake ty Saontsin’Andrianagnahare fa toko’e “tena hagnaja ty vali’e” ty ampela. (Efesianina 5:33) Akore ty anoa’e izay? Manao izay reke naho mieretseretse ty toetse soa i vali’e naho ty kezake atao’e mba hikarakaragne iareo keleian-draike. Magnaja ty vali’e ka o ampelao naho manohagne ty fanapahan-keve’e. Toko’e ho soa fagnahy ka reke sady tsy hagnaraty aze ama o ndaty. Toko’e hanao ireo reke ndra tie tsy manompo i Jehovah ty vali’e.
3. Ino ty azo ty mpivaly atao mba hahavy iareo hifankatea lognandro?
Mirehake ty Baiboly fa: “Nofotse raike avao” ty mpivaly. (Matio 19:5) Ty dika izay, tsy toko’e hisy raha hengà iareo hampihegne ty fifankateava iareo. Hahavita izay iareo naho miarake manao raha mateteke. Mila mifampirehake soa iareo sady tsy misalasala naho fa mifampirehake ty am-po’e ao naho ty an-tsai’e ao. Toko’e ho soa fagnahy iareo naho fa manao izay. Magnarakarake i Jehovah, le ty vali’e ro toko’e ho lahibey amy ty ndaty raike manambaly fa tsy ndaty hafa ndra raha hafa. Toko’e hitao soa iareo mba tsy hifandrambe marine loatse amy ty ndaty hafa.
ANDAO HANDINEKE TY PITSOPITSO’E
Hodinehentikagne ato tie, inogne iaby ty toro lala ty Baiboly hagnampe ty mpivaly hifankatea lognandro.
4. Ry lahilahy manambaly, teavo sady karakarao ty vali’o
Mirehake ty Baiboly tie ‘toko’e ho tea ty vali’e manahake ty vata’e ty lahilahy.’ (Efesianina 5:28, 29) Ino ty dika izay? Alefaso i VIDEO oy, sady iharò midineke ty fagnonteneagne toy.
-
Akore ty ampisehoa ty lahilahy tie tea’e sady karakarae’e ty vali’e?
Vakio ty Kolosianina 3:12, sady iharò midineke ty fagnonteneagne toy:
-
Akore ty azo ty lahilahy ampisehoagne o toetse rehoe amy ty vali’e?
5. Ry ampela, teavo naho hajao ty vali’o
Mandrisike o ampelao hagnaja i vali’e ty Baiboly ndra manompo i Jehovah ty vali’e ndra tsy manompo aze. Vakio ty 1 Petera 3:1, 2, sady iharò midineke ty fagnonteneagne retoa:
-
Naho tsy manompo i Jehovah ty vali’o, le azo antoke fa tea’o naho manompo aze reke. Aia ty trea’o fa va’e hisy voka’e ama’e: Ty mirehake mateteke ama’e miomba ty Baiboly vao sa ty maneho toetse soa ama’e sady magnaja aze? Ino ty anto’e?
Azo o mpivalio atao ty miarake mandrambe fanapahan-kevetse soa. Faie misy fotoagne va’e tsy hitovy hevetse amy ty vali’e o ampelao. Afake mirehake ty heve’e o ampelao sady toko’e hagnaja naho fa manao izay. Faie tsy toko’e ho haligno’e fa ty lahilahy ty nengà i Jehovah hanapa-kevetse hoahy ty keleia’e. Toko’e hikezake mafe areke ty ampela manambaly mba hanohagne ty fanapahan-keve i vali’e. Ho sambatse ty tokantragno’areo naho manao izay rehe. Vakio ty 1 Petera 3:3-5, sady iharò midineke ty fagnonteneagne toy:
-
Ino ty tsapa i Jehovah naho fa magnaja ty vali’e o ampelao?
6. Ho vita’areo mirovaly ty handrese raha sarotse
Tsy misy fanambaliagne voririke. Tsy maintsy mifagnampe areke ty mpivaly naho te handrese raha sarotse. Alefaso i VIDEO oy, sady iharò midineke ty fagnonteneagne toy.
-
Arake i video teoy, ino ty mampiseho fa tsy nifandrambe soa sasa i mpivaly rey?
-
Ino ty natao iareo mirovaly mba hahavy iareo hifankatea soa indraike?
Vakio ty 1 Korintianina 10:24 naho ty Kolosianina 3:13. Isake tie vita vaky ty andinin-teny raike, le iharò midineke ty fagnonteneagne toy:
-
Nagnino ty fagnorihagne o torohevetse iohoe ro hahavy o mpivalio hifankatea lognandro?
Rehafe ty Baiboly fa toko’e hifagnomey voninahitse tikagne. Manao izay tikagne naho soa fagnahy sady magnaja ty hafa. Vakio ty Romanina 12:10, sady iharò midineke ty fagnonteneagne retoa:
-
Toko’e handigne ty vali’e hagnomey voninahitse aze vao ty lahilahy ndra ty ampela vaho izay hanao izay ka? Ino ty anto’e?
MISY TY MIREHAKE FA: “Tsy mifankatea sasa manahake ty taloha zahay mirovaly.”
-
Akore ty hagnazava’o amy iareo fa afake magnampe iareo ty Baiboly?
FAMINTIGNAGNE
Ho sambatse o mpivalio naho mifankatea, mifagnaja sady magnorike ty toro lala ty Baiboly.
Fameregnagne
-
Ino ty azo ty lahilahy atao mba hahasambatse ty fanambalia’e?
-
Ino ty azo ty ampela atao mba hahasambatse ty fanambalia’e?
-
Naho manambaly rehe, ino ty toro lala ty Baiboly afake magnampe anareo hifankatea lognandro?
FAGNAZAVAGNE FAGNAMPE’E
Misy soso-kevetse hagnampe ty keleia’o ho sambatse ty ato.
Ho trea’o amy ty hira toy ty soa rambese ty mpivaly naho fa magnorike ty toroheven’Andrianagnahare iareo.
Ino ty dika tihoe magneke ty fahefà ty loha ty keleiagne?
“Ry Ampela, Ekeo ty Fahefà ty Vali’areo” (Fitalakesan-davitse 15 Mey 2010)
Tena magnampe ty mpivaly vao ty toroheve ty Baiboly?
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
