Hampianatse antika miomba ty tanora, ty mpanjaka, naho ty mpaminany naneho finoagne i Jehovah ty fizaràgne toy. Nino ty ajaja ampela naho ty israelita raike ta Syria agne, fa afake magnasitragne i Namàna ty mpaminany i Jehovah. Natoky i Jehovah vata’e ty Elisa fa hiaro aze amy ty fahavalo’e. Vognogne ho mate ka ty Joiada mpisorogne, mba hiarovagne i Joasy amy i Atalia bebe’e raty fagnahy. Natoky ty Hezekia mpanjaka fa hagnavotse i Jerosalema ty Jehovah, le tsy natahotse ty fagnorohoroa o Asyrianao. Nagnafake ty fanompoan- tsampy ka ty Josia mpanjaka, le namboatse i tempolỳ sady nitarike o ndatio hiheregne tamy ty fivavahagne maregne.