FANOMPOAGNE AMY I BETELA Hisy fivoriagne hoahy ze te hanompo amy i Betela naho Joma folakandro. Mpitory vita badisa, 35 taogne magnambane naho nahazo lalagne hitoboke a Madagasikara eto ro mahazo magnatreke aze. Mbe ho rehafegne avao ty hisiagne aze naho ty lera’e.

SEKOLY TY MPAGNAMBARA I FANJAKAGNEY Hisy fivoriagne hoahy ze te hagnatreke o sekoly iohoe naho Lahady folakandro. Agnambaragne hagnatreke aze ze mpisava lalagne, 23 taogne hatrake 65 taogne sady te hampitombo ty fanompoa’e. Mbe ho rehafegne avao ty hisiagne aze naho ty lera’e.

ASA AN-TSITRAPÒ Naho te hanao asa an-tsitrapò rehe, le mirehafa amy ze tinendre hiandraikitse o tsepan’asa iohoe mba hanoroa’e azo ty asa hanoegne.

BADISA Toko’e hamonje ty fitobohagne natokagne ho aze ze hatao badisa naho Sabotsy maraindraigne, aloha ty hanomboha ty lahajaka i badisay. Sambe toko’e hinday akanjo tsy mahamegnatse naho lambahoany nareo. Fara’e alohao ty seza hitoboha ze hatao badisa.

FISIAGNE ZE RAHA MONTSO NAHO ZE RAHA TREA Toko’e handesegne amo o tsepan’asa iohoe ze raha trea. Mandehana mbamo o tsepan’asa iohoe rehe naho nimontso raha, le paliao ao i raha’o nimontsoy. Toko’e handesegne agne ka ze ajaja montso. Faie tsy toko’e hatao fitezagne ajaja ty ao. Ko engagne hisintake azo ty ana’o.

FITOBOHAGNE Omeo fitobohagne ty ndaty ila’e. Ze miharo lia naho ze miharo tragno vaho ze mpiana’o Baiboly avao ro itano fitobohagne. Ko isiagne entagne ze seza tsy hitoboha’o, amy izay itoboha ty ila’e.

FITSABOAGNE MEKE Ko haligno fa ze mipay FITSABOAGNE MEKE AVAO ro mahazo mandeha mbeo.

FAGNOMEZAGNE Maro ty drala nilaniegne hagnasoàgne ty havoriambey toy, hahavy antikagne hiharine i Jehovah. Agnisa izay ty nilany nanoagne seza naho parilera (sonò) vaho ekran. Magnampe amy ty fagnoneragne ze raha nilany ty drala foe’o naho hampandroso ty asa i Fanjakagney. Misy boate maro nanoegne hisia’o aze. Isaoragne rehe nagnomey. Misaotse azo ty Filan-keve-pitantanagne amy ty fatariha’o hagnasoàgne ty asa i Fanjakagney.

MPANDRAMBE AMBAHINY Tinendre hagnampe azo iareo. Faie mangatake ajafady ama’o tsy hizizo naho fa toroa iareo ty hisy azo. Agnate izay ka ty raha indese’o, ndra tognabile, ndra bisikileta, ndra motò, ndra sarete.