11. Ty Toko’e Hatao Naho fa Vita i Mariazey
1 TOKO’E HAGNOMEY VONINAHITSE I JEHOVAH TY FANAMBALIAGNE
“Tsy ho levogne nainai’e ty hatea.”—1 Korintianina 13:8
Ino ty hagnampe antika hahay hamaha olagne amy ty fanambaliagne?
-
Mpitoriteny 5:4; Matio 19:4-6
Tsy sarake olagne ty fanambaliagne. Faie ko tsiela kivy rehe.
-
Salamo 25:4; Isaia 48:17, 18; Matio 6:33, 34
Naho fa soa fifandrambesagne amy i Jehovah ty mpivaly, le ho mafe oregne ty fanambalia’e.
2 TY RAHA REHAFENTIKA NAHO ATAONTIKA TENA MISY VOKA’E AMY TY FANAMBALIANTIKA
“Hanjare nofotse raike iareo.”—Genesisy 2:24
Ino ty toko’e hataontika mba tsy hampanahelo ty valintikagne?
-
Matio 5:28; Efesianina 4:31
Ko mivalike amy ty vali’o ndra tie agn’eretsere’o ao avao aza. Asio fiheveragne ty fihetseham-po i vali’o. Naho tsapa’o fa nampanahelo aze ty raha natao’o, le ko atao sasa zay.
-
Galatianina 5:15
Ko atao ty raha hamparare fo i vali’o ndra ty hijera aze. Manimba ty fanambaliagne o rehake ratio.
-
Ohabolana 5:18; Hebreo 13:4
Fahotagne lahibey amy i Jehovah ty fagnitsakitsaham-baly. Tsy maintsy manao ze tsy hivalihagne amy ty vali’o rehe sady hihevetse ty fanambalia’o ho sarobily. Ko atao ze raha magnafa-baraka i Jehovah ndra i vali’o.
3 ANÒ TY HAHAMAFE OREGNE TY FANAMBALIA’O
“Fahendreagne ro ilaegne mba hagnoregnan-tragno.”—Ohabolana 24:3
Ino ty toko’e hatao’o mba hahamafe oregne naho hahasambatse ty tokatragno’o?
-
Ohabolana 24:4; Matio 6:14, 15; Romanina 12:2; 1 Petera 3:1
Manokàna fotoagne mba hiharoagne amy ty vali’o. Indeso aman-katea naho am-pagnajagne vaho aman-kasoa fagnahy ty vali’o. Le avy le mamelà heloke eo naho eo.
-
Ohabolana 14:1; 31:29; Filipianina 1:9; 2:4; 1 Petera 3:7
Angataho ty Jehovah mba hagnampe azo ho valy vagnogne. Mikezaha mba ho soa fagnahy naho hahay hamantatse ty raha tena misy.
-
Romanina 12:10; 1 Petera 4:8
Ho mafe oregne ty fanambalia’o sady hampifale i Jehovah naho mikezake magnaja i vali’o rehe.
