12. Manoa Rehake Soa mba ho Fampaherezagne
1 FAGNOMEZAGNE BOAKE AMAN’ANDRIANAGNAHARE TY FAHAFAHAGNE MIREHAKE
“Boake ambone agne iaby ze kila raha soa naho ze fagnomezagne voririke iaby.”—Jakoba 1:17
Akore ty ampisehoantika fa mankasitrake o fagnomezagne iohoe tika?
-
Efesianina 4:29; Jakoba 1:26
Maro ty raha vita o rehakeo. Mila mandineke soa ty raha horehafentikagne naho ty fomba hirehafagne aze tika.
-
Ohabolana 16:24; Isaia 57:15; 1 Tesalonianina 5:11
Ampiasao amy ty iteà i Jehovah aze ty fahafaha’o mirehake. Ohatse, ampiasao mba hagnasitragnagne, hampaherezagne, hampionognagne, hampianaragne, handrisihagne naho hagnampeagne ty hafa.
-
Ohabolana 12:18; 15:23; Matio 7:12
Va’e hampisy fifamaleagne naho hamparare fo tikagne naho tsy mahay mifily ty raha horehafentikagne naho ty fotoagne toko’e hirehafagne aze.
2 FOMBA FIREHAKE MAMPIFALE AN’ANDRIANAGNAHARE
“Manoa rehake fanjaka lognandro.”—Kolosianina 4:6
Ino ty ho voka ty raha rehafentikagne amy ty keleiantikagne naho ty namantikagne?
-
Ohabolana 31:28; Apokalypsy 2:1-3
Mila anehoagne hatea naho fankasitrahagne ty tsikiraidraike, lohotsie fa ty amo o keleiagneo eo.
-
Ohabolana 6:16-19; 26:20; Kolosianina 3:8, 21; 1 Tesalonianina 4:11
Manimba ty hafa ty rehake tsy voahevetse naho ty fagnakiagnagne lava. Tsy mampisy filaminagne sady maharaty laza ty ndaty raike ty fandratiratiagne aze.
-
Ohabolana 15:1, 2; Filipianina 2:3, 4; Jakoba 1:19
Asehò amy ty raha rehafe’o fa magnisy fiheveragne ty hafa mihoatse ty vata’o rehe. Tsanogno soa ty hafa.
3 TOKO’E HO HATEA TY MAHAVY ANTIKA HAGNOMEY TOROHEVETSE
“Mitsanogna torohevetse, le rambeso i fagnanaragney mba ho hendre rehe amy ty hoavy.”—Ohabolana 19:20
Akore ty hahavy ty torohevetse meintikagne ho soa?
-
Salamo 34:18; Matio 10:29-31; 2 Timoty 3:16
Toko’e hifototse amy ty Baiboly sady atao aman-kasoa fagnahy ty torohevetse meintikagne.
-
Ohabolana 12:25; 1 Tesalonianina 5:14; Jakoba 3:2-4
Ampiasao mba hampaherezagne naho hanohagnagne ty hafa ty fahafaha’o mirehake.
