13. Teàn’Andrianagnahare Iaby vao ze Kila Fete?
1 ANÒ HO VONINAHY I JEHOVAH ZE KILA RAHA
“Ndra tie homagne ndra minogne nareo, ndra inogn’inogne atao’areo, le anò ho voninahits’Andrianagnahare ze kila raha.”—1 Korintianina 10:31
Akore ty hahavy antika hahay hanapa-kevetse miomba ty fankalazagne fete?
-
Ohabolana 15:15; Mpitoriteny 3:12, 13; Asan’ny Apostoly 20:35; 2 Korintianina 9:7
Teà i Jehovah ho falefale amy ty fiaignagne tika. Tea’e ho soa fagnahy naho hatarike isan’andro tikagne fa tsy amy ty andro manokagne avao.
-
Eksodosy 32:1-6; Apokalypsy 12:9
Tsy mora ty mamantatse ty toko’e hatao satria agnisa ty fitake ampiasae i Satana ty fampifangaroagne ty soa naho ty raty.
-
Jaona 8:32; Hebreo 5:14
Fantaro tie mampifale i Jehovah vao ty niatomboha ty fete raike maro mpanao.
2 BOAKE AMY TY FANOMPOAN-TSAMPY TY ANKAMAROA TY FETE MARO TEA
“Ho fanta’areo ty maregne, le ty maregne ro hamotsotse anareo.”—Jaona 8:32
Boake amy ty ino ty niatomboha ty fete ila’e?
-
2 Korintianina 6:14-18; 2 Jaona 6, 7
Naho fa nimate i apostoly rey, le nanjilike ty fampianara ty mpanompo sampy naho ty fete iareo tagnivo o fiangonagneo eo o mpampianatse sandokeo. Natao iareo fete kristiana o fete rehoe. Le mbe ankalazaegne hatrake amy izao ty ankamaroa o fete rehoe, agnisa izay ty Pasake naho ty Fete ty Mate.
-
Mankalaza Krismasy ty ankamaroa ty ndaty magneran-tane isake 25 Desambra. Faie tsy tamy io ty date niterahagne i Jesosy.
-
Genesisy 40:20-22; Marka 6:21-29
Tsy nankalaza andro niterahagne o Kristiana voaloha’eo. Raha raty avao ty rehafe ty Baiboly miomba ty fankalazagne andro niterahagne.
3 FILIO SOA TY FETE HATAO’O
“Fantaro soa lognandro ze teà i Tompo.”—Efesianina 5:10
Fete manao akore ty tsy toko’e hankalazae ty Kristiana? Naho fa hanapa-kevetse miomba ty fankalazagne fete raike rehe, le dineho hey zao:
-
Isaia 52:11; 1 Korintianina 4:6; 2 Korintianina 6:14-18; Apokalypsy 18:4
Misy ifandrambesa’e amy ty fivavahan-diso ndra amo o demoniao vao ty niatomboha i fetey?
-
Jeremia 17:5-7; Asan’ny Apostoly 10:25, 26; 1 Jaona 5:21
Mandrenge ndaty ndra fikambanagne ndra ty mareke amantaragne o firenenao vao i fetey?
-
Asan’ny Apostoly 10:34, 35; 17:26
Magnambonembone karazagne ndra firenena vao i fetey?
-
Salamo 97:10; 1 Korintianina 2:12; Efesianina 2:2; 1 Petera 4:3
Mandrisike o ndatio hanagne ty toe-tsay ty tontolo toy vao i fetey, agnisa izay ty fimamoagne ndra ty findesan-tegna raty?
-
Romanina 14:21
Ino ty ho voka’e amy ty feo ty fieretsereta ty hafa naho mankalaza i fetey raho?
-
Romanina 12:1, 2; Kolosianina 4:6; 1 Petera 3:15
Naho tsy hankalaza i fetey raho, le akore ty fomba hagnazavako izay amy ty hafa?
