14. Manoa ty Maregne amy ze Kila Raha
1 MIARA-MIAIGNE AMY TY TONTOLO TSY MANAO TY MAREGNE TOY TIKA
“Lava mifamorom-bande avao iareo ... sady manao soamiatreke.”—Salamo 12:2
Ino ty hagnampe antika hanao ty maregne amy ty vatantikagne?
-
Salamo 31:5; Hebreo 13:18
Teà i Jehovah hanao ty maregne amy ty vatantika naho amy ty ndaty hafa tikagne.
-
Salamo 139:23, 24; Jakoba 1:23-25
Naho mivavake sady mamaky Baiboly tikagne, le hohaintikagne soa ty tena maha ie antikagne. Magnampe antika hanao fagnovàgne ka ty fanoagne izay.
2 MAMPIRAY SAIGNE TY KELEIAGNE NAHO MAMPILAMIGNE IAREO TY FANOAGNE TY MAREGNE
‘Tsy mifagnosehose amy ze magnetake ty maha ie aze raho.’—Salamo 26:4
Nagnino ty fanoagne ty maregne amy ty keleiagne ro tena ilaegne?
-
Ohabolana 6:16-19
Mifampatoky ty keleiagne naho sambe manao ty maregne. Toko’e sambe hanao ty maregne ty tsikiraidraike amo o keleiagneo ndra tie tsy mora ty fanoagne izay.
-
Ohabolana 22:6; Efesianina 6:4
Naho trea o ajajao tie manao ty maregne ty rae aman-drene’e, le ho mora ama’e ka ty hanao ty maregne.
3 MAHASOA O FIANGONAGNEO TY FANOAGNE TY MAREGNE
“Mampangorìgne i Jehovah ty ndaty fetsefetse, faie ty ndaty maregne ro managne fifandrambesagne maifitse ama’e.”—Ohabolana 3:32
Nagnino ro tena ilaegne ty fanoegne ty maregne amy ty rahalahy naho ty rahavave agnivo o fiangonagneo eo?
-
Ohabolana 10:19;Kolosianina 4:6
Ndra tie zatse mirehake ty maregne tika, le toko’e hanao rehake aman-kasoa fagnahy naho mahafinaritse avao.
-
Levitikosy 5:1; Hebreo 13:17; Jakoba 5:14, 15
Afake hagnampe antikagne o androanavi-pagnahio naho mirehake ty maregne amy iareo tikagne.
-
Jeremia 32:9-12; Efesianina 6:5-8
Naho fa manao raharaham-barotse amy ty rahalahy naho ty rahavave tikagne, le tsy maintsy manao ty maregne. Toko’e hitàgne ze raha fa nifagnarahagne tikagne sady tsy toko’e hagnararaotse.
4 HANDRAMBE SOA TIKA NAHO ZATSE MANAO TY MAREGNE
“Aleo laza soa toy izay haream-bey.”—Ohabolana 22:1
Amy ty lafi’e inogne iaby tikagne ro toko’e hanao ty maregne?
-
Salamo 37:21; Matio 22:17-21; Romanina 13:1-7; Efesianina 4:25, 28
Mila manao ty maregne amy ty mpampiasa naho amy ty raharaham-barotse tikagne. Ilaentika ka ty manao ty maregne naho fa manao fagnadignagne sady naho fa mameno taratasy, ohatse taratasy miomba ty hetra ndra taratasim-panjakagne hafa.
Nagnino ty fanoagne ty maregne ro soa ambone ty harena?
-
Salamo 15:1, 2; Ohabolana 11:1; 1 Timoty 6:9, 10
Malaza ho manao ty maregne naho azo itokisagne vao rehe? Tena sarobily ty fanoagne izay. Fale ty Jehovah naho fa mikezake manao ty maregne tikagne.
