15. Mifalea amy ty Asa Atao’o
1 NIFOROGNE I JEHOVAH MBA HO TEA MIASA O NDATIO
“Fantako soa fa toko’e hihinagne naho hinogne vaho hifalefale amy ty asa mafe nirokafa’e ze kila ndaty. Raha nimein’Andrianagnahare zay.”—Mpitoriteny 3:13
Nagnino ro rehafegne tie fagnomezagne boake aman’Andrianagnahare ty fahafahagne miasa?
-
Genesisy 1:1, 31; Mpitoriteny 2:24; Jaona 5:17
Miasa mafe ty Jehovah. Falefale reke naho fa miasa, le tea’e ho fale manahake aze ka tikagne.
-
Ohabolana 8:22-31; Kolosianina 1:15-17
Zatse niasa mafe ty Jesosy ndra tan-dagnitse agne ndra tan-tane etoy.
-
Marka 6:3; Lioka 21:37, 38; Jaona 4:31-38; 17:4
Nanao asa fanjaka ty Jesosy sady vita’e ze asa nanendreagne aze
2 AMPITOMBO TY HATEA’O MIASA
“Mahatrea ndaty mahay ty asa’e vao rehe? Agnatreha ty mpanjaka eo ty itsangana’e.”—Ohabolana 22:29
Ino ty hagnampe antika ho fale amy ty asa ataontikagne?
-
Ohabolana 12:24; Kolosianina 3:22-24; Hebreo 13:18
Va’e tsy ho azontikagne ovagne ty asantikagne. Faie azontikagne ovagne ty fomba fahatreavantikagne i asay. Toko’e ho tea manao ty maregne naho hiasa mafe tikagne.
-
Ohabolana 27:11; 1 Timoty 5:8; 1 Petera 2:12
Mankatò an’Andrianagnahare rehe naho magnomey ze raha ilae ty keleia’o. Hagnomey voninahitse i Jehovah rehe naho manao soa ty asa’o.
-
Eksodosy 20:13-15; Ohabolana 2:6; Romanina 14:19-22; Efesianina 5:28–6:4; 1 Jaona 5:3; Apokalypsy 18:4
Ampea ty Baiboly tika hahatakatse fa va’e hisy voka’e amantikagne naho amy ty keleiantikagne vaho amy ty mpiara-manompo amantikagne, lohotsie fa amy i Jehovah ty asa ila’e.
3 HO FALE AMY TY ASA’O REHE NAHO ATAO’O ALOHA ZE RAHA LAHIBEY
‘Fantaro’areo soa ze raha lahibey.’—Filipianina 1:10
Inogne iaby ty toko’e hataontika voalohan-draha?
-
Salamo 37:25; Ohabolana 3:5, 6; 1 Petera 5:7
Matokia fa fanta i Jehovah ty raha ilae’o amy ty fiaigna’o isan’andro.
-
Matio 6:25-32; 1 Timoty 6:8-10; Hebreo 13:5
Mikezaha ho afa-po amy ze anagna’o.
-
Ohabolana 10:22; Matio 6:33; 28:19, 20; Hebreo 10:24, 25
Mifantoha amy ty fanompoagne i Jehovah naho ty fitoriagne i talily soay. Io ty asa tena lahibey toko’e hataontikagne.
