16. Tohero ty Devoly
1 I DEVOLY TY MIFEHE TY TONTOLO TOY
“Ty tontolo toy fehe i ratỳ.”—1 Jaona 5:19
Ino ty raha kendré i Satana?
-
1 Petera 5:8
Te hanimba naho handrava ty fifandrambesantikagne amy i Jehovah ty Satana.
-
Joba 2:4, 5
Boseke ty Satana naho fa misy ndaty mahafantatse i Jehovah sady tea aze.
2 KO MATAHOTSE I SATANA
“Ekeo ty Andrianagnahare, liero ty Devoly, le hilaisa’e nareo.”—Jakoba 4:7
Akore ty ahafantarantikagne fa azo atao ty manohetse i Devoly?
-
Apokalypsy 7:9, 14
Fetrae i Jehovah ty raha azo i Devoly atao amantikagne. Fa nampitamà Reke fa hisy ndaty maro ho votso-belogne ty amy i tontolo vaovaoy ao.
-
2 Tantara 15:2
Tsy afake hanimba ty fifandrambesantikagne amy i Jehovah ty Satana naho miharine Aze tika.
-
1 Korintianina 10:13; Hebreo 11:4-40
Mampitamà ty Jehovah fa hagnampe antika tsy hivalike ama’e, manahake ty natao’e tamy ty mpanompo’e taloha.
3 MITAOA AMY TY FITAKE AMPIASAE I SATANA
“Fa fantantikagne ty heve-drati’e.”—2 Korintianina 2:11
Inogne iaby ty fitake ampiasae i Devoly?
-
Jaona 15:19; Apokalypsy 12:12, 17
I Devoly ty mifehe ty tontolo toy, faie tsy afake mifehe ty mpanompo i Jehovah reke. Izay ty mahavy aze tena mikendre o mpanompo i Jehovah reo.
-
Genesisy 3:1; Galatianina 5:19-21; Efesianina 6:12
Mampiasa ty fahalemeantika ty Devoly mba hamitahagne antikagne.
-
Levitikosy 19:26; Isaia 1:13, 15; Marka 5:25, 26
Mitaoa soa naho fa mifily fitsaboagne. Va’e hagnandragne hampiasa fitsaboagne misy masimasy o ndatio naho fa diso fanantenagne amy ty fitsaboagne natao’e.
-
Deoteronomia 18:10-12; Asan’ny Apostoly 19:19; Galatianina 6:7; Apokalypsy 21:8
Ho fale o demoniao naho fa liagne amy ty fitsaboagne ampiasagne masimasy tika. Mivalike amy i Jehovah tikagne naho manao raha misy ifandrambesa’e amy ty demonia.
4 KO MAMPIPARITAKE TY VANDE I DEVOLY
‘Mpavande ty Devoly sady rae ty vande.’—Jaona 8:44
Ino ty va’e hahavy antika hagnely ty vande i Devoly?
-
Romanina 1:11, 12; 2 Timoty 2:16
Mahavy o ndatio hihevetse i Devoly naho o demoniao ho tena mahery ty tantara rehafe o ndatio miomba iareo. Toko’e hampahery ty hafa tikagne fa tsy hagnely tantara mampatahotse.
-
Efesianina 6:11
Hahatohetse i Devoly tika naho mahafantatse ty fitake ampiasae’e. Hiharine i Jehovah tikagne naho manao izay.