“Soa tika naho mihamatotse tsiela.”—Hebreo 6:1

Ino ty atao tihoe Kristiana matotse?

• Romanina 8:5; Hebreo 5:14

  Mitake fotoagne naho kezake ty hahavy ty ndaty raike ho matotse. Mikezake hanagne ty fomba fiheve i Jehovah ty Kristiana matotse sady mahay manapa-kevetse.

• Ohabolana 27:11; Jakoba 1:2, 3

  Naho fa miatreke raha sarotse rehe, le hararaoto ze raha mba hagnatanjahagne ty finoa’o naho hampisehoa’o ty hatea’o i Jehovah.

• Ohabolana 3:5, 6; Jakoba 1:5

  Naho fa handrambe fanapahan-kevetse rehe, le eretsereto tie ino ty tea i Jehovah hatao’o sady angataho reke mba hagnampe azo.

• 2 Korintianina 13:5

  Tohizo avao ty fianara’o miomba i Jehovah sady hamafeso ty fifandrambesa’o ama’e.

‘Iakanjò ty fanantenagne famonjeagne ho fiarovan-doha.’—1 Tesalonianina 5:8

Nagnino ro miaro antika ty raha tamaentikagne?

• Hebreo 12:2

  Tena misy heri’e lahibey ty raha tamae’o amy ty hoavy. Eretsereto tie nagnino ro nagnampe i Jesosy hahavita hiatreke raha sarotse ty raha nitamae’e.

• Filipianina 4:6, 7

  Naho tsapa’o tie mihegne ty finoa’o ty raha tamae’o, le mivavaha miomba izay rehe. Hihamaleme rehe naho mieretseretse raha mahakivy ndra misalasala. Faie hagnomey azo herim-po naho fiadanan-tsaigne ty Jehovah.

• Malakia 3:10; Romanina 8:21

  Saintsaigno lognandro ty fanantena’o miomba ty hoavy. Tsy arake ty hieretseretantikagne aze ty hasoa ty raha amy i tontolo vaovaoy ao.

• Salamo 37:4; Joda 21

  Tea i Jehovah hahafantatse aze soa manahake ty mpinamagne maifitse tikagne. Anò ze azo’o atao mba hankatoavagne aze naho hiharineagne aze isan’andro.