“Ty ndaty maregne ro managne fifandrambesagne maifitse ama’e.”—Ohabolana 3:32

Akore ty hahaiantikagne mifily soa ty ndaty ho namantikagne?

• Romanina 1:11, 12; 2 Korintianina 6:13; 1 Petera 2:17

  Va’e ho boake amy ty kolontsaigne naho fiaviagne sambe hafa ty namantikagne. Faie ty tena lahibey, le tihoe ndaty tea i Jehovah ty namantikagne.

• Rota 1:14, 16; 1 Samoela 18:1; Filipianina 2:20-22

  Misy ohatse maro miomba ty ndaty tena mpinamagne soa ty agnate Baiboly ao.

“Tea lognandro ty ragnetse vata’e sady le hoe rahalahy natao hagnampe amy ty andro mahaore.” —Ohabolana 17:17

Ino ty azontikagne atao naho tsy mifagnarake amy ty namantikagne tika?

• Salamo 133:1; Matio 6:14, 15; Romanina 14:19

  Manoa dingagne voaloha’e rehe mba hilongoagne naho hiharoagne saigne avao.

• Ohabolana 17:9; Kolosianina 3:13; 1 Petera 4:8

  Naho managne hatea tikagne, le tsy hengantikagne hanjare olagne lahibey ty raha kedekede tsy mampifankahazo. Hagnampe antika zay mba hamela heloke naho tsy hivalike.

• Salamo 141:5; Ohabolana 27:6

  Tsy hisalasala hirehake ty maregne miomba azo ty namagne vata’e.

• Ohabolana 12:18; 18:24; 1 Jaona 3:16-18

  Tsy ho rava ty finama’areo naho mikezake ho namagne soa rehe.

“Maregne fa tsy misy fandilovagne mahafale eo naho eo ... Faie naho fa avy eo zay, le minday vokatse ... Tsy inogne ze vokatse zay fa ty hamarenagne.”—Hebreo 12:11

Ino ty toko’e hataontika naho mifily hiala amy i Jehovah ty namantikagne?

• 1 Korintianina 5:11-13; 2 Jaona 9-11

  Naho mbe manohy manao raha raty naho tsy magneke fagnampeagne ty namantikagne raike, le aseho’e amy izay fa tsy te ho agnisa ty fiangonagne reke.

• 1 Petera 1:15, 16

  Tea i Jehovah naho ty tahina’e vaho ty fitsipi’e tikagne naho mankatò ty fandaharagne miomba ty fandroahagne.