5. Misaraha amy ty Tontolo Toy
1 TSY MIVALIKE AMY TY FANJAKÀN’ANDRIANAGNAHARE TY KRISTIANA VATA’E
“Tsy agnisa ty tontolo toy ty Fanjakàko.”—Jaona 18:36
Akore ty ampisehoantikagne fa tsy miomba ty atia naho ty aroa tikagne fa manohagne ty Fanjakàn’Andrianagnahare avao?
-
Isaia 2:2-4; Jaona 6:15; 1 Petera 3:15
Tsy mandrambe anjara amy ty aly ndra militse amy ty politike tikagne.
-
Eksodosy 20:4, 5; 1 Jaona 5:21
Tsy miankohoke agnatreha ty mareke amantaragne o firenenao tikagne. Tsy mananga-tsaigne ohatse tikagne.
-
Ty aly madineke zao ohatse manjare miterake aly o ndaty maro. I Jehovah ty tamaentikagne hagnafake ze raha manahiragne amy ty tontolo toy eto.
-
Jaona 13:34, 35; 1 Jaona 3:10-12
Mpirahalahy naho mpirahavave iaby tikagne ndra tie sambe hafa ty firenena naho ty foko vaho ty fiaviantikagne. Tsy hialy amy iareo tikagne ndra inogn’ino ty raha misy.
2 “TSY AGNISA TY TONTOLO TOY” TY KRISTIANA VATA’E
“Tsy agnisa ty tontolo toy iareo, manahake ahy tsy agnisa ty tontolo toy.”—Jaona 17:16
Nagnino tikagne ro mila misarake amy ty tontolo i Satana toy?
-
1 Jaona 5:19
Ty atao tihoe “ty tontolo toy”, le manondro ze ndaty tsy mahafantatse an’Andrianagnahare sady volavolae i Satana, i mpitondra ty tontolo toỳ.
-
Jakoba 4:4
Teantikagne naho rambese i Jehovah ho nama’e tikagne. Toko’e hikezake hanahake ty toe-tsay i Jehovah naho i Jesosy tikagne. Toko’e hanahake iareo ka tikagne amy ty raha rehafentikagne naho ty raha ataontikagne.
3 MILA MAGNALAVITSE TY TOE-TSAY TY TONTOLO TOY TY KRISTIANA VATA’E
“Ambone ze kila raha, le arovo mafe ty fo’o, fa ama’e ao ty ifotora o aigneo.”—Ohabolana 4:23
Ino ty dika tihoe manohetse ty toe-tsay ty tontolo i Satana toy?
-
Efesianina 2:2; 1 Jaona 2:16
Tea tegna, mirehareha, sady mpanohetse ty Satana. Tea’e hino o ndatio tie tsy mila mankatò an’Andrianagnahare iareo.
-
1 Korintianina 10:31
Toko’e hasehontikagne fa tsy agnisa ty tontolo toy tikagne amy ty raha rehafentikagne naho ataontika. Mampiseho izay tikagne ndra amy ty raha ataontika manokagne aza.
-
1 Korintianina 2:12; 1 Jaona 4:4
Mba hahafahantikagne hanohetse ty toe-tsay ty tontolo i Satana toy, le mila mifandrambe marine amy i Jehovah tikagne sady mameno ty saintikagne ty fomba fiheve’e.
4 TSY MAHARO SADY TSY MAMPIADAN-TSAIGNE ANTIKAGNE O VOLAO
“Tsy miankigne amy ty halàko ty fanagna’e ty fiay o ndatio.”—Lioka 12:15
Ino ty hagnampe antika hitovy hevetse amy i Jehovah miomba ty vola?
-
Asan’ny Apostoly 20:35; 1 Timoty 6:9, 10
Tea i Satana hino tikagne fa ty fahafinaretagne naho ty vola ro tena mahasambatse. Faie nampianatse ty Jesosy fa ty fifandrambesagne soa aman’Andrianagnahare naho ty matarike ro tena mahasambatse.
-
Matio 6:31, 32; Marka 12:30, 31; Lioka 21:34-36
Hisy dika’e ty fiaignantikagne naho mifantoke amy ty fanompoagne i Jehovah tikagne. Ho afa-po amy ze raha anagnantikagne tika sady hanagne fiadanagne agnate tikagne naho manao izay.
