7. Sarobily Ama’o vao ty Aigne?
1 SAROBILY AMY I JEHOVAH TY AIGNE
“Ihe ty niboaha o aigneo.”—Salamo 36:9
Nagnino tika ro toko’e hihevetse ty aigne ho sarobily?
-
Genesisy 1:27; Salamo 19:7-11; Ohabolana 2:6-11
I Jehovah ty namorogne ze raha managn’aigne iaby, agnisa izay o ndatio. Sarobily ama’e tikagne, le tea’e ho sambatse naho hisy dika’e ty fiaignantikagne.
-
Romanina 14:12; Galatianina 6:5
Tsy finoro i Jehovah manahake ty robot tikagne. Nimea’e safidy malalake naho fahaiagne manapa-kevetse tikagne, le anjarantikagne ty mampiseho tie sarobily amantika ty aigne.
2 MASIGNE AMY I JEHOVAH TY LIO
“Amo o liò ao ty misy ty fiay o nofotseo.”—Levitikosy 17:11
Akore ty fihevera i Jehovah ty lio?
-
Levitikosy 17:10; Ohabolana 13:16; Asan’ny Apostoly 15:20; Romanina 12:2
Naho fa misy fitsaboagne ampiasagne lio, le mila mandrambe fanapahan-kevetse lahibey tika, agnisa izay tihoe hanjilihagne ty raha madineke mahaforogne ty lio vao tika sa tsy hanjilihagne. Tsy toko’e hengantikagne handrambe fanapahan-kevetse ho antikagne miomba o raha iohoe ty ndaty hafa. Mbe tsy miseho ty raha hoe izay, le fa mila mivavake tikagne mba hahazo tari-dalagne soa sady mila manao fikarohagne laleke. Fa tsy ie tikagne marare vaho izay hanapa-kevetse.
-
Genesisy 9:4, 5, 9; Deoteronomia 12:16; Asan’ny Apostoly 15:28, 29
Mifagnitsy amy ty aigne ty lio amy Baiboly ao. Tsy niova ty lalàn’Andrianagnahare miomba ty lio. Mbe tsy niova ze raha zay nanomboke tamy ty andro i Noa hatrake amy ty nagnomean’Andrianagnahare o Israelitao ty lalà i Mosesy, le hatrake amy ty andro ty Kristiana.
3 MIHEVETSE TY AIGNE HO SAROBILY MANAHAKE I JEHOVAH VAO TIKA?
“Abo ty lalako naho oharegne amy ty lala’areo naho ty heveko naho oharegne amy ty heve’areo.”—Isaia 55:9
Inogne iaby ty azontika atao mba hampisehoagne fa sarobily amantika ty aigne?
-
Eksodosy 21:22, 23
Sarobily amy i Jehovah ty ay ty ndaty tsikiraidraike. Heje i Jehovah ty fagnafahagne ajaja satria fa ndaty ty fihevera’e i ajajay ndra tie mbe an-troke ao.
-
Salamo 103:8-14; Asan’ny Apostoly 3:19; Efesianina 1:7
Naho nisy ampela raike nagnafake ajaja tie taloha faie nibebake, le hamela ty helo’e ty Jehovah.
-
Salamo 11:5; Mpitoriteny 11:9, 10
Magnaja ty aigne tika naho tsy manao fagnatanjahan-tegna magnoho-doza ndra mampiseho hampiarotegne. Toko’e hitao ka tikagne mba tsy hagnoho-doza ty tragnontika naho ty tognabilentika vaho ze raha anagnantikagne.
4 MPAMONO NDATY TY FIHEVERA I JEHOVAH TY TONTOLO TOY
“Treako fa mamo ty lio o ndaty masigneo i ampelay.”—Apokalypsy 17:6
Nagnino ty tontolo i Satana toy ro mpamono ndaty?
-
Apokalypsy 18:2, 4, 9, 24
Ndaty antapetrisa’e ty vinono tamy ty alala ty fivavahagne, ty politike naho ty hatea tegna loatse.
-
Matio 24:14; Jaona 17:16; Asan’ny Apostoly 20:26, 27
Tsy manohagne ndra ia ndra ia ty Kristiana vata’e sady tsy manohagne ze fikambanagne mifandrambe amy ty aly ndra amy ty famonoagne ndaty. Magnampe o ndatio hahazo fiaignagne tikagne naho fa mizara amy iareo ty hafatse miomba i Fanjakagney.
