Fizaragne 9
Ombiagne ty Tane toy Vaho ho Paradisa?
Treantikagne amy ty raha manahiragne hinaneke zao fa kidikidike avao ty sisa e le ho avy ty Fanjakan’Andrianagnahare. Lioka 21:10, 11; 2 Timoty 3:1-5
Raha misy hinaneke zao, fa ela ty nirehafa ty Baiboly aze. Ty ndaty hoereke ho tea drala, tsy hagnorike ty reha ty rae e naho ty rene e, hasiake, hanao ze tea e hatao.
Nirehafe e ka fa hiozognozogne ty tane toy, hisy aly, kere, aretegne mandripake ndaty maro. O raha rehoeke fa misy iaby hinaneke zao.
Nirehake ka ty Jesosy fa hambara magneragne ty tane toy iaby ty talily soa ty Fanjakan’Andrianagnahare.—Matio 24:14.
2 Petera 3:13
Hagnafake ty raha raty iaby ty Fanjakan’Andrianagnahare.Kidikidike avao ty sisa e le hovonovonoe i Jehovah iaby ty ndaty raty fagnahy.
Hovonovonoegne ty Satana naho ze demonia.
Ndaty maregne avao ty sisa hiaigne antane etoy. Tsy hisy tahotse, hifankatea naho hatokisagne ty ndaty toy iaby.