Fizarangne 5
Raty ty Voka e Naho fa Tsy Janjignegne ty Jehovah
Faha i Noa maro ty ndaty nanao raty. Genesisy 6:5
Maro ty ndaty antane etoy, fa niterake ty Adama naho i Eva. Tafara atoy nisy anjely nivalike niharo amy Satana.
Te hanambaly ampela iareo le niova ho ndaty, nizotso antane etoy. Nanagne anake bey naho abo naho mbe masiake ka iareo.
Nanjare feno ndaty raty ty tantane etoy. Mirehake ty Baiboly fa: “Feno ndaty raty ty tane toy, le raha raty avao ka ty eretserete e hatao.”
Nagnorike ty saontsin’Andrianagnahare ty Noa le namboatse sambofiara. Genesisy 6:13, 14, 18, 19, 22
Ndaty soa fagnahy ty Noa. Nisaontsy tama e ty Jehovah fa hovonovonoe e amy ty ranobey ty ndaty raty fagnahy.
Nampamboare i Jehovah sambobey ty Noa. Sambofiara ty agnara e. Nazili e tao iaby ty Noa mirofoko naho biby sambehafa.
Nampiomagne ty ndaty iaby ty Noa tie: Hisy ranobey faie tsy nitsanogne iareo. Ty ila e nikizake i Noa, ty ila e nalaigne aze.
Naho fa nivita i sambofiaray le nanjilike biby ao ty Noa.
