NAHO FA MANOMBO-DREHAKE
LESOGNE 4
Atorò tie Miambane Rehe
Toro lalagne: “Miambanea, le hevero ho ambone noho ty tegna’areo ty hafa.”—Fil. 2:3.
Akore ty Nampisehoa i Paoly Izay?
1. Henteo i VIDEO oy ndra vakio ty Asan’ny Apostoly 26:2, 3, le valeo ty fagnonteneagne retoagne:
-
Akore ty nampisehoa i Paoly tie niambane reke naho fa nifampirehake tamy i Agripa Mpanjaka?
-
Akore ty natao i Paoly mba hahavy i mpanjakay tsy hifantoke ama’e fa hifantoke amy i Jehovah naho amy ty Soratse Masigne?—Henteo ty Asan’ny Apostoly 26:22.
Ino ty Ianarantikagne Boake amy i Paoly?
2. Hahaliagne o ndatio i hafatse torientikagney naho miambane sady magnaja iareo tikagne naho fa magnambara aze.
Tsikombeo ty Paoly
3. Mirehafa am-pagnajagne. Ko atao ty hahavy i ndatỳ hahatsapa tie mahay ze kila raha rehe, fa ireke tsy misy raha hai’e. Atorò tie magnaja aze rehe naho fa mifampirehake ama’e.
4. Atorò tie boake amy Baiboly ao i hamarenagne rehafe’o ama’ey. Afake magnova ty raha eretserete o ndatio naho ty raha tsapa’e o Saontsin’Andrianagnahareo. Ho mafe oregne ty finoa’e naho io avao ty ampiasaentikagne.
5. Mikezaha haleme fagnahy avao. Ko seregne hino o ndatio tie maregne ty azo. Tsy te hialy hevetse amy iareo tikagne. Miambanea, le mikezaha tsy ho taitaitse sady fantaro tie ombia rehe ro toko’e handeha. (Ohab. 17:14; Tit. 3:2) Naho mirehake aman-kasoa fagnahy avao rehe, le va’e izay ty hahavy aze hitsanogne i hafatse indesentikagney amy ty magnarake.
HENTEO KA TY
Rom. 12:16-18; 1 Kor. 8:1; 2 Kor. 3:5
