NAGNINO ZAY RO PALIAEGNE: Tsy maintsy manokan-tegna naho hatao badisa ty mpianatse Baiboly naho te ho tea i Jehovah. (1Pe 3:21) Harova i Jehovah reke mba hifandrambe ama’e lognandro naho mitagne i vava nanoe’ey. (Sl 91:1, 2) Manokan-tegna hoahy i Jehovah ty Kristiana fa tsy hoahy o ndaty, ndra asa, ndra fikambanagne. Mila mikezake ho tea an’Andrianagnahare naho hankasitrake ty toe’e ty mpianatse Baiboly.—Ro 14:7, 8.

AKORE TY FANOAGNE AZE:

• Ampahafantaro aze ty toetse i Jehovah, naho fa mianatse nareo. Risiho hamaky Baiboly naho hivavake amy i Jehovah “lognandro” reke.—1Te 5:17; Jk 4:8

• Risiho hanagne tanjogne hanokan-tegna naho hatao badisa reke. Ampeo ka reke hagnatratse tanjogne tsy sarotse loatse. Ohatse: Hagnomey toin-drehake am-pivoriagne agne, hitory amy ty mpiharo tanàgne ndra ty mpiara-miasa ama’e. Ko haligno fa tsy manere antika hanompo aze ty Jehovah. Ko sere’o hanokan-tegna hoahy i Jehovah ka ty ndaty ampianare’o Baiboly fa fanapahan-keve’e raike avao izay.—De 30:19, 20

• Anò ty hahatsapà i mpianatsey fa mila miova reke naho tea’e ty hampifale i Jehovah naho hahafeno fepetse hatao badisa. (Oh 27:11) Va’e ho sarotse amy i mpiana’oy ty hisintake amy ty fahazaran-draty ila’e. Ampeo lognandro reke mba hiala amy ty toetse’e taloha sady hiakanjo ty toetse vaovao. (Ef 4:22-24) Ampamakio aze ndra rehafo ama’e ty lahatsoratse tihoe “Manova Olona ny Baiboly” amy Ty Tilikambo Fiambenagne (malagasy)

• Tantarao ama’e ty fifaleagne tsapa’o naho fa nanompo i Jehovah.—Is 48:17, 18