Hisy fomba fitory modely vaovao tihoe “Ampianaro ty Hamarenagne” agnate ty Fanompoagne Naho ty Fiaignantika Kristiana Tari-dalagne Hoahy ty Fivoriagne, manomboke amy Septambra. Ty anto’e, mba hizaragne ty maregne agnate Baiboly ao faie mampiasa fagnontaneagne naho andinin-teny.

Meo boke ndra gazete ara-baiboly ndra torò video amy jw.org ao i ndatỳ naho liagne. Toko’e hiheregne malaky amy i ndatỳ tikagne mba hanohy i rehakey. Ty fagnonteneagne fameregnagne boake amy ty boke Inogne ty Ampianare ty Baiboly Antikagne? ty nangalagne o fomba fitory modely vaovao iohoe. Hisy fagnonteneagne naho andinin-teny fagnampe’e hiheregnagne mitilike ka ty ao. Ty Baiboly avao ro ampiasaegne.

Raike avao ty lalagne mitarike amy ty fiaignagne. (Mt 7:13, 14) Sambe hafa ty fivavaha ty ndaty itoriantika. (1Ti 2:4) Tsy maintsy mipay ze hamarenagne mahaliagne iareo tika. Hahay ‘hagnazava ty hamarenagne amy ty fomba maregne soa’ tika naho magnovaova ty raha ho rehafegne. (2Ti 2:15) Hitombo ty hafaleantikagne, sady hahatrea vokatse amy ty fampianaragne ty hamarenagne tika naho manao izay.