Maro amy ty Kristiana tsy mitory sasa ty hagnatreke Fahatsiarovagne amy Talata 11 Avrily. Fa nandrambe anjara tamy ty lay anoe ze kristiana iaby iareo. Maro ty anto’e nahavy iareo tsy nitory sasa. Rehafegne amy ty bokekele Miverena amin’i Jehovah ty ila’e amy izay. (He 12:1) Ndra tie tsy mitory sasa iareo, le sarobily amy i Jehovah satria nivilie’e tamy ty lio i Ana’ey. (As 20:28; 1Pe 1:18, 19) Akore ty hagnampeantikagne iareo mba hiheregne amy ty fiangonagne indraike?

Hoe mpiarak’agnondry mipay ty agnondri’e nivike amy ty ila’e o androanavi-pagnahio naho fa mikezake mipay naho magnampe ty Kristiana tsy mitory sasa. (Lk 15:4-7) Trea boake amy izay fa teà i Jehovah iareo. (Je 23:3, 4) Tsy ty androanavi-pagnahy avao ro afake manao izay fa itikagne iaby. Naho manoro hasoa fagnahy tikagne sady mikezake hahatsapa ty am-po iareo ao, le hampifale i Jehovah sady hahazo fitahiagne. (Oh 19:17; As 20:35) Eretsereto areke tie, ia ty azo’o ampaherezagne sady ko mangatake andro!

HENTEO TY VIDEO TIHOE AMPAHEREZO ZE KRISTIANA TSY MITORY SASA, LE VALEO TY FAGNONTENEAGNE RETOA:

• Ino ty natao i Abbey naho fa nifankatrea tamy ty Vavolombelogne tsy fanta’e?

• Nagnino tikagne ro toko’e hirehake amy ty androanavi-pagnahy hey naho fa hagnampe ty Kristiana tsy mitory sasa?

• Ino ty natao i Abbey naho fa niomagne hitilike i Laura fagnindroe’e?

• Akore ty nanoroa i Abbey fa tsy nikivy sady nanam-paharetagne vaho nanagne hatea reke naho fa nampahery i Laura?

• Ino ty fianaragne rambesentikagne boake amy ty fagnohara i Jesosy amy ty Lioka 15:8-10?

• Ino ty voka’e naho fa nimaro ty ndaty nagnampe i Laura?