Nidera an’Andrianagnahare tamy ty hira ty Paoly naho i Silasy naho fa nigadra. (As 16:25) Nihira ty hira i Fanjakagney hoe izay ka ty mpiara-manompo amantikagne migadra a Sachsenhausen amy ty tobe i Alemaina Nazia agne naho ty natao sese-tane a Siberia agne. Atoro o ohatse rehoe fa misy heri’e ty hira i Fanjakagney naho fa miatreke tsapa hevetse tikagne.

Hadika amy ty firehake maro ty fihiragne vaovao manao tihoe: ‘Hiram-pifaliana’ ho An’i Jehovah. Toko’e hianarantikagne amy ty andro fivavaha ty keleiantikagne o hira rehoe mba ho tsiarontikagne ty togno’e. (Ef 5:19) Hagnampe antikagne hahatsiaro ty togno i hiray i fagnahy masigney naho fa misy tsapa hevetse mahazo antikagne sady hampifantoke antikagne amy i raha tamaegney. Naho fa mahatsapa fifaleagne tikagne, le hampahery antikagne ty togno i hiray sady hahavy antikagne hihira i ‘hiram-pifaleagney’ satria feno raha soa ty fontikagne. (1Ta 15:16; Sl 33:1-3) Lonike areke tikagne mba hazoto hanao ty hira i Fanjakagney!

HENTEO TY VIDEO TIHOE HIRA RAIKE NANOHIGNE TY FO I GADRA REY, LE VALEO TY FAGNONTENEAGNE RETOA:

• Ino ty nahavy i rahalahy Frost hamorogne hira raike?

• Nagnino i hiray ro nampahery ze rahalahy tamy ty tobe i Nazia agne?

• Afake mampahery azo amy ty olagne atrehe’o vao ty hira i Fanjakagney? Hazavao.

• Inogne iaby ty hira i Fanjakagney tea’o hatao tsianjere?