Ia ho rambesegne soao? Ze magnatreke fivoriagne ndra fa ela ndra vaho samba’e. (Ro 15:7; He 13:2) Agnisa izay ty mpiara-manompo boake lavitse ndra ze tsy nitory sasa faie nivory indraike naho fa tafara tatoy. Eretsereto tie mahazo azo ty raike amy ireo? Tsy ho tea’o vao naho rambesegne soa rehe? (Mt 7:12) Nagnino areke naho mikezake mba hanalama ze avy amy i Anjomba i Fanjakagney agne, aloha ndra afara i fivoriagney? Hifankatea naho hagnomey voninahitse i Jehovah tikagne naho manao izay. (Mt 5:16) Maregne aloha fa tsy ho vitantikagne ty hifampirehake amy ty ndaty tsikiraidraike avy ao. Faie hahatsapa nirambesegne soa iareo naho fa sambe mikezake tikagne. *

Toko’e ho tea handrambe ambahiny lognandro tikagne fa tsy amy ty Fahatsiarovagne avao. Handrenge an’Andrianagnahare naho hagnorike ty fivavahagne maregne miharo amantikagne ze vaovao naho fa mahatrea ty hatea asehontikagne amy iareo.—Jn 13:35.