Ampe soa ty fotoagne anagnantikagne amy ty taogne toy, mba hiomanagne amy ty Fahatsiarovagne. Naho andavanandro i Fahatsiarovagney, le tsy hisy ty Fivoriagne Miomba ty Fiaignantika Naho ty Fanompoagne. Fa naho fara heregnandro, le tsy hisy ty lahajaka ho ahy ty ndaty maro naho ty Fianaragne Ty Tilikambo Fiambenagne. Akore ty hampiasa’o ty fotoa’o amy io? Afake mikarakara ze raha ilaegne amy ty Fahatsiarovagne vao rehe, manahake ty Kristiana tamy ty taonjato voaloha’e? (Lk 22:7-13; km 3/15 1) Faie mila magnomagne ty fo’o naho ty sai’o ka rehe. Akore ty hanoa’o izay?

• Saintsaigno ty maha lahibey ty fagnatrehagne aze.—1Ko 11:23-26

• Mivavaha sady dineho tie manao akore ty fifandrambesa’o amy i Jehovah.—1Ko 11:27-29; 2Ko 13:5

• Vakio naho saintsaigno ze andinin-teny naho lahatsoratse mirehake miomba i Fahatsiarovagney.—Jn 3:16; 15:13

Mpitory maro ty mamaky sady misaintsaigne ty famakiagne Baiboly ho amy ty Fahatsiarovagne amy ty Fandinehagne ty Soratse Masigne Isan’andro. Ty hafa mampiasa ty tabilò ambane eto toy. Misy ka mamaky ze lahatsoratse miomba ty Fahatsiarovagne amo o Tilikambò ao, magnazava ty hatea i Jehovah naho i Jesosy antikagne. Ndra inogn’ino ty raha tea’o hianaragne, le anò ty hiharinea’o i Jehovah naho i Ana’ey.