Modely ho antikagne ty Isaia. Nanam-pinoagne reke, satria le avy le vognogne hamale i tokay ndra tie tsy fanta’e ty pitsopitson-draha hagnirahagne aze. (Is 6:8) Misy fagnovagne azo’o atao vao mba ho afake hanompo amy ty toeragne ipaliagne mpitory maro rehe? (Sl 110:3) Maregne aloha, fa ilaegne ty “manao kajy ze ho lany.” (Lk 14:27, 28) Faie vognogne hanao sorogne tikagne mba hahavitagne i asa fitoriagney. (Mt 8:20; Mr 10:28-30) Hihoatse ty raha afoentikagne ty fitahiagne ho azontikagne, naho henteagne ty aseho i video manao tihoey Manompo amy ze Mila Mpitory Maro.

• Inogne ty sorogne tsy maintsy nataon-dry William reketse ty keleia’e mba hahafaha’e hanompo a Ekoatera agne?

• Inogne iaby ty raha nidinehe iareo aloha ty nifiliana iareo ty toeragne hifindra’e?

• Inogne iaby ty fitahiagne azo iareo?

• Aia ty hahatreava’o fagnazavagne mba hahafantara’o ty toeragne ilagne mpitory maro?

• Ino ty azontikagne keleian-draike anoegne mba hampitomboagne ty fanompoantikagne? (km 8/11 4-6)

• Naho tsy afake mandeha magnitatse faritane tikagne, ino iaby ty azontikagne atao mba hagnampeagne ty fiangonantikagne? (w16.03 23-25)