Fomba raike andilovagne ty mpanao raty ty fandroahagne sady miaro ty fiangonagne. (1Ko 5:6, 11) Naho fa misy voaroake, le tena maro ty manahelo, agnisa izay ty longo’e naho i komity mpitsara rey. Faie bey hatea tikagne naho manohagne o fandaharagne boake amy i Jehovah iohoe. Fa nagnino?

Izay ty anoroantikagne tie teantika ty Jehovah naho ty fitsipi’e miomba ty fahamasignagne. (1Pe 1:14-16) Izay ka ty ampisehoantikagne tie teantika i ndaty voaroakey. Hahazo vokatse soa tikagne naho magnorike o fitsipike iohoe, ndra tie tsy mora aza. Tsy inogne ze “vokatse zay fa ty hamarenagne.” (He 12:5, 6, 11) Tsy miraharaha ty fandilova i Jehovah tikagne naho mbe mifandrambe amy ty ndaty voaroake. Tadidio fa “arake ty antogno’e” ty fandilovagne atao i Jehovah amy ty vahoa’e. (Je 30:11) Mitamà tikagne fa mbe hiheregne amy i Raentikagne mpamindra fo oy i voaroakey. Faie amparake ty hiavia izay, le mila manohagne ty fandahara i Jehovah avao tikagne sady mila manao raha ara-pagnahy tsy tapake.—Is 1:16-18; 55:7.

ALEFASO TY VIDEO TIHOE KO MIVALIKE FA MANOMPOA AMY TY FO’O, LE VALEO RETOA:

• Ino ty tsapa ty rae aman-drene naho fa miala amy i Jehovah ty ana’e?

• Ino ty azo ty fiangonagne atao mba hampaherezagne ty keleia i ndaty voaroakey?

• Tantara ia amy Baiboly ao ty magnamaregne fa ty tsy fivalihagne amy i Jehovah ro tena lahibey noho ty tsy fivalihagne amy ty keleiagne?

• Akore ty ampisehoantikagne fa ty tsy fivalihagne amy i Jehovah ro tena lahibey noho ty tsy fivalihagne amy ty keleiantikagne?