Magnambara ty voninahy i Jehovah ty raha finoro’e. (Sl 19:1-4; 139:14) Faie magnafa baraka aze ty tontolo i Devoly toy satria magnely heve-diso miomba ty niatomboha ty fiaignagne. (Ro 1:18-25) Akore ty hagnampea’o ty ana’o mba tsy hioregne an-tsay iareo ao naho am-po iareo ao zay? Ampeo amy ie mbe kedekedey ty ana’o mba hampitombo ty finoa’e fa misy ty Jehovah sady miatrake iareo ka reke. (2Ko 10:4, 5; Ef 6:16) Kezaho fantaregne ty fahatreava’e ty raha ampianaregne aze an-dakilasy agne, sady ampiasao ze fitaovagne anagna’o mba hanohinagne ty fo’e.—Oh 20:5; Jk 1:19.

HENTEO TY VIDEO TIHOE TY HEVE TY TANORA MANAHAKE AZO: FINOAGNE AN’ANDRIANAGNAHARE, LE VALEO RETOA:

• Ino ty heve-diso anagna o ndaty miomba ty finoagne an’Andrianagnahare?

• Ino ty ampianaregne an-dakilasi’areo agne?

• Ino ty mahavy azo magneke fa misy ty Jehovah?

• Akore ty azo’o agnampeagne ty ndaty hafa mba hino fa finoron’Andrianagnahare iaby ze kila raha?