Nagnanatse ty Jesosy tie: “Fa nahazo maimaimpoagne nareo le magnomea maimaimpoagne.” (Mt 10:8) Tsy mamarotse ty fitaovagne ara-baiboly ampiasaentikagne areke tikagne. (2Ko 2:17) Faie ahatreavagne hamarenagne boake agnate Baiboly ao o fitaovagne rehoe. Nisy asa mafe natao sady drala maro ty nanoagne aze an-taratasy naho ty fandefasagne aze amy ty fiangonagne magnenen-tane. Toko’e ze hampiasaentikagne avao areke ty halaentikagne.

Mahaia magnambake naho fa mizara o fitaovagne rehoe amy ty hafa ndra tie amy ty fitoriagne amy ty ndaty maro aza. (Mt 7:6) Toko’e hifampirehake naho hanao ze hahaliagne ty ndaty mea’o i fitaovagney rehe fa tsy toko’e homeigne ze mandalo avao. Misy atao i ndatỳ vao ty raike amy ty raha rehafe o efajoro ankavana eo? Naho tsy hai’o tie liagne ndra tsy liagne i ndatỳ, le soa naho meagne taratasy milimpy. Faie naho mangatake gazete ndra fitaovagne hafa reke, le fale hagnomey aze tikagne.—Oh 3:27, 28.