Ino ty aly mafe atrehe’o isan’andro? Loha ty keleiagne vao rehe sady managne andraikitse maro? Sa rae ndra rene miteza irery ty ana’o rehe, le tena mialy mafe vaho izay mahita vola hiveloma’areo? Sa tanora rehe le ampijalé ty mpiara-mianatse ama’o? Sa mialy mafe amy ty aretegne rehe ndra amy ty fahanteragne? Sambe managne olagne iaby tikagne. Misy aza Kristiana miatreke olagne mifanesesese. Faie fantantikagne fa tsy ho ela tikagne, le hafahagne amo raha reo iaby.—2Ko 4:16-18.

Faie tena mampahery antikagne ty mahafantatse tie fanta i Jehovah soa ty raha mahazo antikagne, sady ankasitraha’e ty tsy fivalihantikagne naho ty fiaretantikagne, le hitahy antikagne reke amy ty hoavy. (Je 29:11, 12) Mipay ze hahasoa antikagne ka ty Jesosy. Naho fa manao i asa nampanoe’ey tikagne, le tena matoky fa ‘hanohagne antikagne’ avao reke. (Mt 28:20) Naho misaintsaigne ty fagnafahagne ho ente i Fanjakagney tikagne, le tena vao mainke hatoky ty fampitamàn’Andrianagnahare sady ho tapa-kevetse hiaretse avao.—Ro 8:19-21.

ALEFASO TY VIDEO TIHOE ERETSERETO LOGNANDRO TY JESOSY FA MARINE I ANDRO MAHAOREY!: SATRIA HINDAY FITAHIAGNE I FANJAKAGNE’EY AMY TY HOAVY, LE VALEO RETOA:

• Nagnino o ndatio ro nanjare lavitse an’Andrianagnahare, sady ino ty voka izay?

• Fiaignagne manao akore ty mandigne ze ndaty tsy mivalike amy i Jehovah?

• Nagnino tikagne ro afake managne ze hoavy fanjaka zay?

• Ino amy i fitahiagne amy i tontolo vaovaoy ao rey ro tena fa tsy ligne’o?