Alamy i Jehovah soa mba hanao ty zoton’arofo’e manahake ty natao’e tamy Israelita taloha rey ty vahoa’e amy izao. Miara-miasa ty birò i sampagne magneran-tane, ty faritse, ty fiangonagne, naho ty andiam-pitory mba hitoriagne i talily soay. Mitory amy ze kila ndaty tikagne, agnisa izay ty ndaty mampiasa firehake hafa.—Ap 14:6, 7.

Fa nieretseretse hianatse firehake hafa vao rehe mba hagnampeagne o ndatio hahafantatse ty hamarenagne? Va’e tsy manam-potoagne varagne rehe. Faie afake mampiasa ty programa JW Language rehe mba hianaragne fomba fitory tsotsotra. Ho fale manahake i Kristiana tamy ty taon-jato voaloha’e rey rehe, naho fa boake mampiasa aze amy i fanompoagney ey. Nitrea ireo tie nigaga ze ndaty boake an-tane hafa tagne naho fa naharey ty “asa lahibey nataon’Andrianagnahare” tamy ty fireha’e.—As 2:7-11.

ALEFASO TY VIDEO TIHOE ANÒ RAGNETSE TY JEHOVAH: MITORIA AMY TY FIREHAKE HAFA, LE VALEO RETOA:

• Akore ty agnampea ty JW Language azo?

• Ino iaby ty mampiambake aze?

• Inogne iaby ty firehake ampiasaegne amy ty faritane’areo ey?

• Inogne ty azo’o atao naho misy ndaty mampiasa firehake hafa liagne amy ty hafatse miomba i Fanjakagney?—od 100-101 § 39-41