FAMPIOFAGNAGNE AMY TY FANOMPOAGNE | AMPITOMBÒ TY HAFALEA’O AMY TY FANOMPOAGNE

Ampeo ty Ndaty Ampianare’o Baiboly mba Hivory

MANDEFA

Agnisa ty tapa’e lahibey amy ty fanompoantikagne i Jehovah ty fivoriagne. (Sl 22:22) Mahavy antika ho fale naho hahazo fitahiagne ty fiharoantika manompo i Jehovah. (Sl 65:4) Tsiela manao fandrosoagne ty mpianatse Baiboly magnatreke fivoriagne tsy tapake.

Akore ty azo’o agnampeagne ty mpiana’o mba hagnatreke fivoriagne? Ko kivy manasa aze hagnatreke fivoriagne. Atorò aze ty video tihoe Inogne ty Atao amy i Anjomba i Fanjakagney Agne? Rehafo ama’e ty soa ho azo’e naho magnatreke fivoriagne reke. (lff lesogne 10) Rehafo amy i mpianatsey ty hevetse mahaliagne ila’e nianara’o tam-pivoriagne agne naho ty mbe hianaragne. Omeo i mpianatsey mialoha ka ze boke ndra gazete hianaragne agne sady atorò aze ty fampiasagne izay. Manoa raha hagnampeagne aze mba ho avy am-pivoriagne agne. Ho fanjaka ty voka’e naho manao ze azo’o atao rehe mba hagnampeagne i mpianatsey hivory.—1Ko 14:24, 25.

ALEFASO TY VIDEO TIHOE AMPEO TY NDATY AMPIANARE’O BAIBOLY MBA... HIVORY, LE VALEO RETOA:

Ino ty nihararaote i Nita mba hanasagne i Safiry hivory?
Nagnino tikagne ro tena ho fale naho fa magnatreke fivoriagne i mpianantikagney?
“Ama’areo eo vata’e ty Andrianagnahare”

Ino ty raha nitea i Safira tam-pivoriagne agne?