Afake magnova ty fiaignantika ty Saontsin’Andrianagnahare. (He 4:12) Faie toko’e ho rese lahatse tikagne tie tena “saontsin’Andrianagnahare” io, amy izay tika handrambe soa amy ty tari-dalagne, naho ty toro hevetse ao. (1Te 2:13) Akore ty azontikagne agnatanjahagne ty finoantikagne o Baibolio?

Mamakia toko tsiampeampe boake agnate Baiboly ao isan’andro. Naho fa mamaky aze rehe, le mipaliava porofo magnamaregne fa boake amy i Jehovah vata’e io. Dineho ohatse ty torohevetse amy ty boke Ohabolana ao sady mareho fa azo ampiharegne amo o androntikagne zao ty fahendreagne ao ​—Oh 13:20; 14:30.

Filiano mialoha ze foto-kevetse hianara’o. Dineho soa ze porofo trea’o magnamaregne fa boake aman’Agnahare o Baibolio. Amy ty Fitaovagne Fikarohagne Hoahy ty Vavolombelo i Jehovah (malagasy), le henteo ty ambane ty lohan-drehake tihoe “Baiboly” naho fa avy eo amy tihoe “Avy Amin’Andriamanitra.” Hatoky ka rehe fa tsy niova ty hafatse agnate Baiboly ao naho fa dinehe’o ty fagnazavagne amy ty lahatsoratse tihoe “Nagnino o Baibolio ro Avy Hatrake Amantikagne Atoy?” amy ty Mifohaza, Novambra 2007.

HENTEO TY VIDEO TIHOE NAGNINO TIKAGNE RO MINO FA... MAREGNE TY SAONTSIN’ANDRIANAGNAHARE?, LE VALEO RETOA:

• Nagnino ty fahatreavagne i manda i tempoly a Karnak, a Ejipta agney ro magnaporofo fa maregne ty Saontsin’Andrianagnahare?

  Ty hamalea’o aze

• Nagnino tikagne ro mirehake fa tsy niova ty hafatse agnate Baiboly ao?

  Ty hamalea’o aze

• Nagnino ty fisia o Baibolio hatrake amy izao ro magnaporofo fa Saontsin’Andrianagnahare vata’e io? ​—Vakio ty Isaia 40:8

  Ty hamalea’o aze