Te hampifale i Jehovah amy ze kila raha ataontikagne tika. (Oh 27:11) Tsy maintsy mandrambe fanapahan-kevetse mifagnarake amy ty fomba fiheve’e tika naho fa tsy misy lalàna ndra lily mazava soa hitari-dalagne antika. Ino ty hagnampe antikagne hahavita izay?

Manàgna fahazaragne mianatse Baiboly tsy tapake. Isake tie mamaky Baiboly tikagne, le hoe manokagne fotoagne hiarahagne amy i Jehovah. Hahafantatse ty fomba fisaigna i Jehovah tikagne naho mamantatse ty fomba nifandrambesa’e amo o ndatio sady mandineke ty ohatse nengà ze nanao ty soa ndra nanao ty raty tagnatreha’e teo. Naho fa itika handrambe fanapahan-kevetse, le afake maniahy antika ty lesogne lahibey naho toro lalagne nianarantika boake amy ty Saontsin’Agnahare ao i fagnahy masigney.​—Jn 14:26.

Manoa fikarohagne. Dineho zao naho fa handrambe fanapahan-kevetse rehe: ‘Ino ty andinin-teny ndra fitantaragne agnate Baiboly ao hahafantarako ty fomba fiheve i Jehovah miomba ty raha toy?’ Mivavaha amy i Jehovah mba hahazo fagnampeagne, sady ampiasao ze fitaovagne fanoagne fikarohagne misy amy ty fireha’o fa hagnampe azo hahatrea naho hampihatse ty toro lala ty Baiboly mifandrambe amy i fanapahan-kevetse horambese’oy.​—Sl 25:4.

HENTEO TY VIDEO  TIHOE TSY MAINTSY ‘MIARETSE AMY I LAY ANOENTIKAGNEY TIKA’: HOMANA HANEGNE MAHASALAMA, LE VALEO RETOA:

• Ino ty tsapa hevetse natrehe i rahavave tanora tamy i video teoy?

  Ty hamalea’o aze

• Akore ty azo’o ampiasaegne i fitaovagne fanoagne fikarohagne rey mba hagnampe azo hiatreke ty tsapa hevetse mitovy amy irey?

  Ty hamalea’o aze

• Ino ty soa ho rambesentika naho fa manokagne fotoagne hanoagne fikarohagne naho hianaragne raike mba handrambesagne fanapahan-kevetse soa?​—He 5:13, 14

  Ty hamalea’o aze