Nampea i Jehovah ty ndaty rarake tamo o Israelitao. Akore ka ty fomba agnampea i Jehovah ty mpanompo’e mahantra amy zao?

• Nanoro hevetse antikagne iaby reke mba ho arake ty toko’e ho ie ty fiheverantikagne o volao.—Lk 12:15; 1Ti 6:6-8

• Ampea’e iareo mba hihevetse ty tegna’e ho sarobily.—Jb 34:19

• Nirisihe’e iareo mba hiasa mafe naho hiala amy ty fahazaran-draty.—Oh 14:23; 20:1; 2Ko 7:1

• Nampea’e ka iareo mba hanjare ho agnisa ty mpirahalahy magneran-tane.—Jn 13:35; 1Jn 3:17, 18

• Omei’e fampitamaegne iareo.—Sl 9:18; Is 65:21-23

Tsy toko’e hinekoneko tika ndra tie maro ty raha sarotse atrehentikagne. (Is 30:15) Hikarakara antika sady hagnomey ze raha ilaentikagne ty Jehovah naho manao voalohan-draha i Fanjakà’ey tika. —Mt 6:31-33.

ALEFASO TY VIDEO TIHOE KO ENGAGNE HO LEVOGNE TY HATEA’O NDRA TIE... MAHANTRA REHE—CONGO, LE VALEO RETOA:

• Akore ty nampisehoa i mpiara-manompo mitoboke marine i toeragne nanoagne havoriambey rey fa tea mandrambe ambahiny iareo?

• Ino ty ianarantikagne boake amy ty hatea naseho i Jehovah tamo o ndaty mahantrao?

• Akore ty hanahafantikagne i Jehovah ndra tie tsy manan-draha maro aza tika?