Tihoe mitretré le mahatakatse ty raha eretserete ty ndaty raike, ty raha tsapa’e, naho ty raha ilae’e sady mihevetse aze ho sarobily. Ho fanta o ndatio tie mitretré aze tikagne sady te hagnampe aze. Manahake i Jehovah tika naho mitretré ty ndaty ampianarentika. Hahavy iareo hazoto hianatse ty miomba aze zay.—Fi 2:4.

Mitretré rehe naho mitsanogne soa i ndatỳ sady soa fagnahy naho fa mirehake ama’e. Ho trea’e amy ty fihetse’o naho ty tarehe’o zay. Tsy raha amboamboaregne avao areke tihoe mitretré. Mitretré i ndatỳ ka tikagne naho liagne amy ty raha rehafe’e. Tsy toko’e hitsaratsara aze amy ze raha mahaliagne aze ndra ty raha inoa’e ndra ty fiaigna’e tikagne. Naho fa magnampe i ndatỳ mba hanao fagnovàgne ka tika le tsy toko’e hanere aze. Tena ho fale tika naho fa misy ndaty manao fagnovàgne.

ALEFASO TY VIDEO TIHOE MAHAFALE TY MANAO MPIANATSE: HASOAO TY FAHAIA’O... MITRETRÉ, LE VALEO RETOA:

• Akore ty nampisehoa i Nita tie nitretré i Safira reke tamy ie nitaray?

• Akore ty nampisehoa i Nita tie nitretré reke naho fa nirehake ty Safira tie mbe mivali-doha le tsy vognogne hianatse?

• Akore ty nampisehoa i Nita tie nitretré reke naho fa nirehake ty Safira tie tsy zatse magnambin-draha reke?