Tena mahafoe tegna hoahy ze fiangonagne tilihe iareo o mpiandraikitse faritseo naho ty vali’e. Manahake antika iaby avao, le managne ty raha ilae’e manokagne ka iareo sady kindraike va’e ho rokake, ho kivy naho hivali-doha. (Jk 5:17) Ndra tie eo zay, le mifantoke amy ty rahalahy naho ty rahavave amy ty fiangonagne tilihe’e naho ty fomba hampaherezagne o rahalahio iareo isan-keregnandro. Tena ‘fagneva ty homeagne fagnajagne mihoatse ty ahy ty hafa’ o mpiandraikitse faritseo.​—1Ti 5:17.

Naho fa nanao fandaharagne hitilihagne i Roma ty apostoly Paoly, le ninday “fagnomezagne ara-pagnahy” hoahy i fiangonagne tagney. Faie nitamà ka reke tie “hisy fifampaherezagne” ty amy iareo eo. (Ro 1:11, 12) Fa nieretserete’o vao tie ino ty azo’o atao mba hampaherezagne ty mpiandraikitse faritse’areo vaho ty vali’e naho managne reke?

ALEFASO TY VIDEO TIHOE TY FIAIGNA O MPIANDRAIKITSE FARITSEO, LE VALEO RETOA:

• Akore ty ahatreavagne fa tena tea naho mahafoe tegna hoahy o fiangonagneo o mpiandraikitse faritseo naho ty vali’e?

  Ty hamalea’o aze

• Ino ty soa nirambese’o noho ty kezake natao iareo?

  Ty hamalea’o aze

• Ino ty azo’o atao mba hampahereza’o iareo?

  Ty hamalea’o aze