Misy rahalahy naho rahavave fa nanompo i Jehovah tagnate ty taogne maro ty amo o fiangonantikagneo eo. Niantehetse tamy i Jehovah avao iareo, le tena modely ho antikagne. Azontika agnonteneagne iareo ty tantara i fandaminagne, ty olagne fa natrehe‘e naho ty fomba nagnampea i Jehovah aze hiatreke irey. Azo’areo atao ty manasa bey taogne raike amy ty fotoam-pivavaha ty keleia’areo. Afake mametrake o fagnonteneagne reo ama’e nareo amy izay.

Fa ela vao rehe tie tamy fandaminagne tao? Azo’o tantaraegne amo o tanorao ty fomba nagnampea i Jehovah azo. Nanao izay ty Jakoba naho i Josefa. Nirehafe’e tamy ty tarana’e ty raha natao i Jehovah hoahy iareo. (Ge 48:21, 22; 50:24, 25) Nisy raha nampanoe i Jehovah ty loha ty keleiagne ka naho fa tafara tatoy. (De 4:9, 10; Sl 78:4-7) Ino ty azo ty rae aman-drene naho ty ndaty hafa amo o fiangonagneo eo atao? Azo iareo tantaraegne amo o ajajao naho o tanorao ty raha natao i Jehovah tamy ty alala i fandaminagne.

ALEFASO TY VIDEO TIHOE NIKEZAKE HIRAY SAIGNE IAREO NDRA TIE NISY FANDRARAGNE, LE VALEO RETOA:

• Akore ty nagnampea ty sampa i Aotrisy o rahalahintikagne tamy ty tane ila’e nisy fandraragne reo?

• Ino ty natao o rahalahy reo mba hagnatanjahagne ty finoa’e?

• Nagnino ro maro ty mpitory a Romania agne niala tamy ty fandamina i Jehovah, sady akore ty nahavy iareo niheregna tamy i fandaminagne indraike?

• Nagnino ro magnatanjake ty finoa’o o fitantaragne iohoe?