Isan-taogne tika manao kezake manokagne mba hanasagne ty ndaty amy ty faritane misy antikagne ey mba hankalaza Fahatsiarovagne. Maro amy i ndaty rey ty tsy fantantikagne. Faie toko’e hasaentikagne iaby ze ndaty fantantikagne. Mateteke ro avy ty ndaty raike naho ndaty fanta’e ty manasa aze. (yb08 11 § 3; 14 § 1) Ia iaby areke ty azo’o asaegne?

• Ty longo’o

• Ty mpiara-miasa ama’o ndra ty mpiara-mianatse ama’o

• Ty mpiharo tanàgne ama’o

• Ty fiheregna’o mitilike naho ty mpiana’o Baiboly fa taloha naho ty amy izao

O androanavi-pagnahio ro hanasa ze ndaty fa tsy mitory sasa. Akore areke ty atao naho tsy mitoboke amy ty faritane’areo ey ze ndaty fanta’o? Afake magnente ty toeragne naho ty lera hanoagne Fahatsiarovagne amy ty misy aze agne rehe. Miziliha amy tihoe MIOMBA ANAY, amy i peje tihoey eo fizilihagne amy jw.org/tdx ao. Naho fa avy eo le gineho tihoe “Fahatsiarovagne.” Naho fa miomagne amy ty fahatsiarovagne toy rehe, le eretsereto mialoha ty ndaty hasae’o, le asao vata’e iareo.