Tea i Jehovah, i ‘Andrianagnahare falefaley’ ho fale amy ty fanompoagne tikagne. (1Ti 1:11) Hahatrea fifaleagne amy ty fanompoagne tika naho magnasoa ty fahaiantikagne. Mahavy o ndatio ho liagne amy ty raha rehafentika ty fahaiagne mametrake fagnonteneagne sady ahafahagne manombo-drehake. Mahavy o ndatio hieretseretse ty fametrahagne fagnonteneagne. (Mt 22:41-45) ‘Atorontika tie maneho fiheveragne aze’ tika naho mametrake fagnonteneagne sady mitsanogne aze soa naho fa mirehake. (Jk 1:19) Magnampe antika hamantatse ty hanohizagne i rehakey ty toin-dreha i ndatỳ.

ALEFASO TY VIDEO TIHOE MAHAFALE TY MANAO MPIANATSE: HASOAO TY FAHAIA’O... MAMETRAKE FAGNONTENEAGNE, LE VALEO RETOA:

• Akore ty ahatreavagne fa managne toetse soa ty Safira?

• Akore ty nampiasa i Nita fagnonteneagne mba hahavy aze ho liagne?

• Inogne ty fagnonteneagne napetra i Nita mba hahavy i Safira ho liagne amy ty hamarenagne?

• Nagnino ro nagnampe i Safira hieretseretse naho handineke ty fagnonteneagne napetra i Nita?