Tea i Jehovah naho hatea ty mahavy antika hanompo aze. (Mt 22:37, 38) Ty hatea i mpianatsey i Jehovah ro hagnampe aze hahavita hanao fagnovàgne sady tsy hivalike naho fa misy tsapa hevetse. (1Jn 5:3) Ty hatea’e i Jehovah avao ka ty handrisike iareo hatao badisa.

Ampeo ty mpiana’o Baiboly hahatsapa fa tena tea aze ty Jehovah. Agnonteneo reke tie: “Ino ty raha ianara’o miomba i Jehovah boake amy io?” ndra “Nagnino io ro mampiseho ty hatea i Jehovah azo?” Ampeo ka reke hahatakatse fa tena afake magnampe aze ty Jehovah. (2Ta 16:9) Tantarao ama’e ty fomba namalea i Jehovah ty vavake natao’o. Le risiho reke mba hisaintsaigne ty fomba namalea i Jehovah ty vavake natao’e. Tena ho fale rehe naho fa mahatrea i mpiana’oy mahatsapa ty hatea i Jehovah aze sady mikezake hifandrambe marine amy i Jehovah.

ALEFASO TY VIDEO TIHOE AMPEO TY NDATY AMPIANARE’O BAIBOLY MBA... HO RAGNE I JEHOVAH, LE VALEO RETOA:

• Inogne ty olagne natrehe i Safira?

• Akore ty nagnampea i Nita aze?

• Akore ty nandresea i Safira i olagney?