Ndaty “mifandrambe am-po” ty atao tihoe tena mpinamagne. Ohatse amy izay zao ty Davida naho i Jonatana. Nanjare mpinamagne tsy nifankafoe iareo tafara ty namonoa i Davida i Goliata. (1Sa 18:1) Sambe nikezake iareo roe lahy mba ho mpiragnetse maifitse. Tena ho mpinamagne ty ndaty roe naho mifankahay soa. Mitake kezake naho fotoagne ty hahafantaragne ty ndaty raike. Faie mora avao ty mahazo namagne amy Internet ao, raha raike avao ty ginehe’o ao le fa mahazo “namagne” rehe. Naho ty maregne, le hay ty ndaty amy Internet ao ty mamboaboatse ty raha rehafe’e mba hampiova ty fihevera o ndatio aze. Hay iareo ka ty magnetake ty maha ie aze. Faie mila mifily soa ty ndaty hataontikagne ‘namagne’ amy Internet ao tika. Ko atao namagne ze ndaty tsy fanta’o faie mangatake ty hinamagne ama’o ndra tie va’e hampalahelo aze aza ze raha zay. Misy ty manapa-kevetse ty tsy hampiasa tragnom-porarotse fifandrambesagne satria hai’e ty voka-drati’e. Faie naho ohatse rehe mampiasa o tragnom-porarotseo le ino ty raha mila tadidie’o?

ALEFASO TY VIDEO TIHOE MBA MAHIRATA NAHO FA MAMPIASA INTERNET, LE VALEO RETOA:

• Inogne ty raha toko’e ho tadidie’o aloha ty hanorata’o naho handefasa’o sare amy Internet ao?

• Nagnino rehe ro toko’e hifily soa ty ndaty hatao’o namagne amy Internet ao?

• Nagnino rehe ro mila magnisy fetra’e ty fotoagne ampiasa’o o tragnom-porarotse fifandrambesagneo?​—Ef 5:15, 16